Almatyda «Orda ertegileri» kitabynyń tusaýkeseri ótti
Іs-sharaǵa «OrdaGen» jobasynyń negizin qalaýshy, ıdeıa avtory Aıbek Qýatbaı, joba dırektory Parasat Tánen, Almaty qalalyq mádenıet jáne bilim basqarmasynyń basshylary jáne balalar ádebıetiniń janashyrlary qatysty.
«Sońǵy 30 jylda Qazaqstandaǵy balalar aýdıtorııasy úshin ózimizdiń ana tilimizde jaryq kórgen tyń dúnıeler az. Al naryqqa shyqqan kontenttiń basym kópshiligi - batys ónimderi. Osy máselege tamshydaı bolsyn úlesimizdi qosý úshin «Ordagen» jobasyn júzege asyrdyq. Biz munymen toqtamaımyz. Aldaǵy ýaqytta búldirshinderimizge «Ordagenniń» tanymdy dúnıelerin usynyp, ult úshin qyzmet ete beremiz. «OrdaGen» 30-jasqa qadam basqan azamattardyń Táýelsizdiktiń 30 jyldyǵyna jasaǵan syılyǵy»,- dedi «OrdaGen» jobasynyń dırektory Parasat Tánen.
Jańa oqý jylynyń qarsańynda «Orda Joly» atty bilim ekspedıtsııasy jolǵa shyǵypty. Ekspedıtsııanyń maqsaty jaıly «OrdaGen» jobasynyń negizin qalaýshy Aıbek Qýatbaı aıtyp berdi.
«El prezıdenti Qasym-Jomart Toqaev 2021 jyldy «Balalar ádebıeti» jyly dep jarııalady. Bul balalar tárbıesine asa zor kóńil bólýimiz kerek ekenin kórsetedi. Prezıdent Jarlyǵyn negizge ala otyryp, Bugin holdınginiń qoldaýymen «Orda Joly» bilim ekspedıtsııasy óz saparyn bastady. Maqsatymyz – Qazaqstannyń ár óńirin aralap, kózinde shyraǵy bar órenderdi qoldaý»,- dedi ol
