Almatyda Ońtústik polıýste bolǵan alǵashqy qazaqstandyq ekspedıtsııa týraly baıandaıtyn fılmniń tanystyrylymy ótedi
ASTANA. 30 qarasha. QazAqparat - 12 jeltoqsanda Almatydaǵy «Meloman GRAND" dúkeninde Qazaq geografııa qoǵamynyń Ońtústik polıýste bolǵan tuńǵysh qazaqstandyq ekspedıtsııa týraly baıandaıtyn «108 saǵat» atty fılminiń tanystyrylymy ótedi.
Bul týraly Qazaq geografııa qoǵamynyń baspasóz qymeti habarlady.
Qazaq geografııa qoǵamynyń komandasy úsh avtomashınamen 2 400 shaqyrym Antarktıda qaryn, jeli men úskirik aıazdy eńserip, 2011 jyly 14 jeltoqsanda Ońtústik polıýsti baǵyndyrǵan bolatyn.
Antarktıda jaǵalaýynan materık kindigine deıingi jol boıy beınekamera saıahatshylardyń kúrdeli jolbaǵyttaǵy búkil mashaqatyn lentaǵa túsirdi. Bul saıahat Gınnestiń Rekordtar kitabyna engizildi.
Qazaqstandyqtar budan 100 jyl buryn Ońtústik polıýsti alǵash baǵyndyrǵan Rýal Amýndsen bolǵan ǵalamshardyń eń tústiktegi núktesine elimizdiń jalaýyn tikti.
