Almatyda onlaın rejımde kvest-oıyn ótedi
ALMATY. QazAqparat - 15 qyrkúıek kúni almatylyqtar qala kúnin toılaıdy. Shara aıasynda shahar kóshelerinde ALMAQUEST kvesti ótedi, dep habarlaıdy QazAqparat tilshisi.
Ákimdiktiń baspasóz qyzmetiniń habarlaýynsha, ALMAQUEST — eki kezeńnen turatyn mádenı shara.Oǵan nıet bildirgenderdiń barlyǵy qatysa alady.
Ol úshin almaquest.kz saıtynda tirkelý qajet. Fınaldyq oıynǵa upaı sanyn eseleýge úles qosatyn testileýden ótýge bolady (mindetti emes). Bul Almaty kóshelerimen jaıaý nemese velosıped arqyly ótýge arnalǵan kvest.Alma Quest — bul bir stsenarıı boıynsha biriktirilgen tapsyrmalar tizbegi. Tańǵajaıyp jáne kóńildi komandalyq sport oıyny. Oıynnyń máni — qaladaǵy obektilerdiń shıfrlanǵan ornyn múmkindiginshe jyldam tabý, barlyq tapsyrmalardy durys oryndaý, oı júıriktigi men bilimniń arqasynda márege jetý.
Tapsyrmalardy oryndaý úshin qalanyń negizgi nysandary, tarıhı faktiler, mundaǵy adamdar týraly qyzyqty málimetterdi paıdalanýǵa bolady.
Oıyn onlaın rejıminde ótedi. Barlyq tapsyrmalar uıaly telefonǵa túsedi.
Qatysý erejeleri, sharanyń bastalýy, aıaqtalýy jáne syılyq qory týraly aqparatty almaquest.kz saıtynan alýǵa bolady.
