Almatyda onlaın mádenı is-sharalardyń afıshasy jarııalandy
Nazarlaryńyzǵa Almaty qalasy mádenı-shyǵarmashylyq onlaın-is-sharalarynyń afıshasyn usynamyz.
Almaty Creative Youtube arnasynda kórkem qımyl mektebiniń 2020 #stayhome aıasynda zamanaýı óner boıynsha dárister qoljetimdi. Qazaqstan men álemniń zamanaýı óneriniń tarıhy týraly bile alasyz, sýretshilermen tanysyp, art-menedjment jáne sýretshilerdiń jumysyndaǵy quqyqtyq aspektiler boıynsha kýrsty tyńdaýǵa múmkindik bar. Qazirgi ýaqytta mektep bazasynda stýdentterdiń vırtýaldy kórmesi daıyndalýda.
Sondaı-aq, Almaty Creative Youtube kanalynda «Mádenı mura arqyly tulǵanyń damýy» kýrsy boıynsha dárister qoljetimdi. Kýrs mádenı-bilim berý baǵytyndaǵy bastaýysh synyp oqýshylaryna baǵyttalǵan jáne shyǵarmashylyq pen zamanaýı oqytýdyń kreatıvti tehnologııalaryn biriktiredi.
Aptasyna birneshe ret zamanaýı qazaqstandyq mádenıet pen kreatıvti ekonomıka týraly «Jasyl bazar» ıýtýb-shoý shyǵady. Jýrnalıst Mádı Mámbetov pen fılosof Olıa Veselova qyzyqty jáne ózekti: bolashaq teatrlar men kınodan bastap fake news jáne ýrbanıstıkaǵa deıingi taqyryptardy qozǵaıdy. Jańa shyǵarylym týraly aqparatty Almaty Creative Youtube arnasynan jáne @almaty.creative Instagram-paraqshasynan kóre alasyzdar.
Ár apta saıyn Q Space shyǵarmashylyq stýdııasy uıymdastyrǵan tikeleı efırde ótetin sabaqtar balalar men olardyń ata-analaryna úıden shyqpaı-aq ózderin sýretshi sezinýge múmkindik beredi. Sabaqtar qazaq jáne orys tilderinde ótedi. Translıatsııadan keıin jazba Almaty Creative arnasynda saqtalady. Shyǵarmashylyq master-klasstar aıasynda sizder ýaqytty paıdaly ótkizip qana qoımaı, sonymen qatar óz oı-órisińizdi keńeıtýge jáne júlde utysyna qatysa alasyz. Habarlamalar men tolyq aqparatty @almaty.creative paraqshasynan bile alasyzdar.
Altynshy sáýirden bastap @almaty.creative Instagram-paraqshasynyń tikeleı efırinde kúndelikti onlaın mýzyka kýrstary – Dıana Sharapovamen vokal, gıtara, fortepıano jáne dombyrada oınap ýırený kýrstary ótýde. Fortepıano jáne gıtaradan kýrstar 26 sáýirde aıaqtaldy, biraq sabaqtardyń beınejazbalary bizdiń Almaty Creative Youtube arnasynda qoljetimdi bolady. Dombyrada oınap úırený kýrsy 2 mamyrǵa deıin kún saıyn 12.30-da bolady, efır 24 saǵat saqtalady. Dıana Sharapovamen vokal sabaǵy 28 sáýirde aıaqtalady, al beınejazbalar bizdiń Almaty Creative Youtube kanalyna júkteledi.
Aıta keteıik, 15 sáýir kúni alǵashqy qazaqstandyq «K-Medıa» Record» leıblinen «Úıdegi talanttar» atty qalalyq mýzykalyq onlaın baıqaýy bastaldy. Eger siz mýzykant bolsańyz, aspapta oınaı alsańyz, óz shyǵarmashylyǵyńyzdy kópshilikke usynýǵa tamasha múmkindik bar. Baıqaý 4 mamyrǵa deıin jalǵasady, jeńimpazdar «K-Medıa» Record» prodıýserlik ortalyǵynan kásibı dybys jazýǵa arnalǵan sertıfıkat alady. Baıqaý nátıjesi 6 mamyrda belgili bolady.
Jaqyn arada akterlik sheberlik, sheshendik óner jáne sýret salý boıynsha onlaın sabaqtar qoljetimdi bolady. Bul kýrstyń ereksheligi - joba nátıjesin múmkindikteri shekteýli balalarǵa qoldaný. Sabaqtyń basty mindetteri - kez kelgen jastaǵy balalardyń shyǵarmashylyq áleýetin damytý; oqýshylardyń keń aýqymyn shyǵarmashylyq qyzmetiniń sheksiz múmkindikterimen tanystyrý; kommýnıkatıvtik daǵdylardy, sheshendik sheberlikti jáne balalar men jasóspirimderdiń kóshbasshylyǵyn damytý. Anonsty @almaty.creative paraqshasynan kóre alasyzdar.
Sonymen qatar, taıaý kúnderi barlyq jastaǵy turǵyndar úshin «Defıle jáne Fotopozıng» onlaın sabaǵy bastalady. Bul kýrstarda siz ádemi jáne kásibı qozǵalý, arqańyzdy tik ustaýdy, deneńizdi jáne bet mımıkasyn meńgerýdi úırenesiz. Ańdatpa jáne tolyq aqparat @almaty.creative paraqshasynda.
Eger siz áleýmettik jelini durys paıdalanýdy, durys jáne sapaly kontent jasaýdy, vıdeo túsirip, montaj jasaýdy úırengińiz kelse, onda «Blogıng» onlaın sabaǵy - siz úshin. Sabaqqa barlyq nıet bildirgen áleýmettik jeli paıdalanýshylary qatysa alady. Kýrstyń bastalýy týraly habarlamalar men tolyq aqparat @almaty.creative paraqshasynda.
Bı bıleýdi úırengińiz kelse, onda bizdiń onlaın bı sabaǵyna tegin qatysyńyz. Kýrsta siz bı baǵytymen tanysasyz, mýzykanyń yrǵaǵyn sezinip, bı shoty men qozǵalysty ornalastyrýdy, bı baǵytynyń bazalyq negizderin úırenesiz.
Balalarmen birge qýyrshaq teatryna barǵyńyz keledi, biraq múmkindigińiz joq pa? Memlekettik qýyrshaq teatry siz úshin arnaıy onlaın kórsetilimder uıymdastyrdy.
Ár demalys kúnderi teatr repertýarynan (Memlekettik qýyrshaq teatrlary) teatrdyń resmı YouTube arnasynda saǵat 12:30-da orys jáne qazaq tilderinde spektaklderdiń onlaın kórsetilimi ótedi.
Kishkentaı kórermenderge arnalǵan «Qaıyrly tún, balaqaı!» aıdary aıasynda qazaq ulttyq jáne shetel ertegilerin teatr ártisteri Instagram (@kuyrshak_teatry jáne Facebook jelilerinde onlaın oqıdy.
Teatrdyń resmı Instagram paraqshasynda (@kuyrshak_teatry) jetekshi rejısserlermen, sýretshilermen, teatr mamandarymen, dramatýrgtermen jáne ártistermen tikeleı efır jáne onlaın áńgime ótedi.
Teatrdyń jetekshi ártisteri Instagram (@kuyrshak_teatry) jáne Facebook (Qýyrshaq Qýyrshaq) paraqshalarynda qýyrshaq júrgizý boıynsha kúndelikti sabaqtary men sheber-synyptaryn ótkizedi.
Instagram @kuyrshak_teatry paraqshasynda «Syn taldaý» aıdary aıasynda teatr synshylary men teatr jetekshileri teatr repertýaryndaǵy spektaklderdi onlaın taldap, tikeleı efır ótkizedi.
Teatrdyń resmı paraqshalarynda kún saıyn «Qoınaýy qazynaǵa toly qýyrshaq teatry» aıdary aıasynda bıyl 85 jyl tolatyn teatr tarıhymen jáne repertýarymen kórermenderdi tanystyrý ótedi.
Almaty qalasy murajaılarynyń birlestigi óz kelýshilerine kelesi vırtýaldy ekskýrsııalar daıyndady:
29 sáýir - áıgili kompozıtor, akademık, dırıjer Ahmet Qýanuly Jubanovtyń týǵan kúnine oraı ótetin «Halyq murasynyń janashyry – Ahmet Jubanov» atty vırtýaldy taqyryptyq ekskýrsııada ózi qoldanǵan dombyrasy kórsetilip, sol dombyrada Ásel Alınanyń oryndaýyndaǵy kompozıtordyń bir shyǵarmasy halyq nazaryna usynylmaq.
Sondaı-aq, 29 sáýir kúni mýltımedıalyq dástúrli mýzyka ortalyǵynda @Multimedia_center «Dombyrada oınaı bilesiń be?» atty onlaı sheberlik sabaq ótedi. Onlaın sheberlik sabaqty ortalyqtyń mýzykant-ekskýrsovody, halyqaralyq konkýrstardyń laýreaty, mýltıaspapshy Aslan Gýmarov dombyra tartýdyń túrli ádis-tásilderin kórsetedi. Sondaı-aq, qazaqtyń tanymal kúıleri oryndaıdy. Ortalyqtyń Instagram jáne Facebook paraqshalarynan tamashalaı alasyzdar.
30 sáýir S. Muqanov jáne Ǵ. Músirepovtiń ádebı-memorıaldyq mýzeı kesheniniń (@muzey_s.g.m) ekskýrsovody Ábdiqul N. shopan Dúnenbaı S. Muqanovqa syıǵa tartqan aıýdyń terisi týraly «Bóstek» atty taqyryptyq ekskýrsııasyn usynady.
Osy kúni N.Tilendıevtiń memorıaldy mýzeıiniń paraqshasynda (@tlendiyev_museum) «Kúı shejire» aıdaryna «Ata tolǵaýy» kúıiniń tarıhyna baılanysty vırtýaldy taqyryptyq ekskýrsııa ótedi. Kúıshi «Ata tolǵaýy» kúıin arnaǵan tulǵa týraly aqparat pen onyń «Otyrar sazy» orkestrinde alar orny, mýzeı qyzmetkeri Erkin Qudaıbergenniń oryndaýynda «Ata tolǵaýy» kúıi usynylady.
Almaty qalasynyń ortalyq kitaphana júıesi onlaın rejıminde birqatar is-sharalar uıymdastyrdy.
Apta saıyn 8 onlaın-úıirme jumys isteıdi: «Fızıka jáne matematıka» (juma), «Shahmat akademııasy» (sársenbi, juma), «Bısermen toqý» (seısenbi), «Qaǵaz úlgileý» (dúısenbi), «Men ózim! Oqımyz, oqımyz, oınaımyz» (sársenbi), «Ertegi terapııasy» (seısenbi), «Akterlik sheberlik» (sársenbi), dombyradaǵy oıyndar (dúısenbi, beısenbi). Olar @zhambyl_kitapkhana, @begalinka.library, @library.almaty Instagram-paraqshalarynda, sondaı-aq Almaty Creative youtube arnasynda qoljetimdi.
Aptasyna eki ret qazaq jáne orys tilderinde kitap kórmelerine onlaın sholý júrgiziledi.
Aptasyna birneshe ret @zhambyl_kitapkhana, @begalinka, @library.almaty paraqshalarynda onlaın-trenıngter men onlaın-kezdesýler ótkiziledi.
Eger siz tsırkti jaqsy kórseńiz, karantın sizge kedergi bolmaıdy. Úıretilgen janýarlardyń, tsırk ártisteriniń daıyndyǵyn (akrobatıka, ekvılıbrıstıka, jonglerleý), horeografııa men grım boıynsha sabaqtaryn, úıretilgen janýarlardy tamaqtandyrý jáne kútim jasaý sátterin Qazaq memlekettik tsırkiniń Instagram, Facebook, Youtube jelisindegi paraqshalarynan onlaın kóre alasyz.
Karantın kezeńinde haıýanattar baǵynyń pavılondary men alleıalary bos tur. Biraq bul haıýanattar baǵy jumys istemeıdi degen sóz emes. Óıtkeni bizde kúndelikti qamqorlyqty qajet etetin tiri «eksponattar» bar. Endi haıýanattar baǵyna onlaın rejımde baryp, bizdiń qyzmetkerler júrgizetin ekskýrsııalardy kórýge bolady. Biz buǵan deıin pil, múıiztumsyq, sýrıkat, jylandar týraly qyzyqty beıneekskýrsııalar kórsetkenbiz. Aldaǵy ýaqytta aqqoldy gıbbon, úlkenkózdi skat, úndi kobrasy jáne basqa da ań-qustar men balyqtar týraly qyzyqty beıneekskýrsııalarymyzdy Almaty haıýanattar baǵynyń Instagram, Facebook, Youtube paraqshalarynda onlaın túrde usynatyn bolamyz.
Sondaı-aq, «Alataý» dástúrli óner teatry qazaq halqynyń ulttyq ónerine arnalǵan onlaın dáris-kontsertterdi kúndelikti Instagram (@alatau.theater) paraqshasynda tikeleı efırde ótkizedi. Respýblıka saraıynyń ártisteriniń erekshe oryndaýdaǵy ónerin tamashalaǵynyń kelse @dvorec_resbupliki paraqshasynan kóre alasyzdar.
