Almatyda onkologtar amerıkalyq tehnologııany qoldanyp 5 kúrdeli ota jasady
ALMATY. QazAqparat – Almaty onkologııalyq ortalyǵynyń dárigerleri amerıkalyq úzdik tehnologııany qoldana otyryp, 5 adamǵa kúrdeli ota jasady, dep habarlaıdy QazAqparat tilshisi.
Atap aıtqanda, ota jatyr moıny, sút bezi, asqazan-ishek qaterli isigimen aýyratyn naýqastarǵa jasaldy.
Ota kezinde onkolog dárigerler arnaıy eritindini engizgende ishtegi zaqymdanǵan tustardy anyq kórýge múmkindik týdy. Arnaıy eritindi belgili bir spektrde ishti jaryqtandyrýǵa múmkindik beredi.
Sonyń arqasynda zaqymdanbaǵan saý kletkalardy kesip tastamaýǵa múmkindik týdy.
«Eger buryn sút bezi qaterli isigin alǵanda qoltyq asty bezderi, túgel sút bezi alynyp tastalsa, qazir sút bezin saqtap qalý múmkindigi týdy. Organnyń barlyq kletkalary ekran arqyly kórinip turady. Osylaısha lımfostaz protsesiniń boldyrmaýǵa bolady. Sebebi, lımfa bezin alyp tastaǵanda, lımfa suıyqtyǵy esh jaqqa aǵyp kete almaı, aǵzada turyp, isinýge ákeledi», - dedi Ortalyqtyń hırýrgııalyq bólimniń meńgerýshisi Nurlan Baltaev.
Bul ozyq tehnologııanyń kómegimen kez-kelgen ota jasaýǵa bolady.
Onkologııalyq ortalyqtyń bas dárigeri Nursultan Іzmaǵambetovtyń aıtýynsha, mundaı ota Qazaqstanda birinshi ret jasalyp otyr.
Ortalyq basshylyǵy bul jabdyqtardy kelesi jyly satyp almaq.
