Almatyda onkologııamen aýyratyn naýqasqa biregeı ota jasaldy
ALMATY. QazAqparat - Almatyda onkologtar biregeı ota jasap, 56 jastaǵy áıeldiń ómirin saqtap qaldy, dep habarlaıdy QazAqparat tilshisi.
Almaty onkologııa ortalyǵynyń málimetinshe, 1965 jyly týǵan áıeldiń baýyrynda, ultabardyń túsý bóliginde ІІІ dárejeli joǵary kóteriletin toq ishektiń qaterli isigi, paranefraldik maıly ózek jáne tamyr trombozy bolǵan.
«Tekserý kezinde naýqasta isiktiń ydyraýy da anyqtaldy. Jabyq ishek perforatsııasy.Toksıkalyq-anemııalyq sındrom. Aýyr anemııa. Patsıenttiń jaı-kúıi óte qıyn boldy», - deıdi ortalyqtyń onkolog-hırýrgy Nurlan Baltaev.
Dárgerdiń atýynsha, ortalyqtyń onkologtary kúrdeli biregeı ota jasady: laparotomııa, oń jaqta gastropankreatodýadenaldy rezektsııamen keńeıtilgen biriktirilgen gemıkolektomııa, baýyrdyń VI segmentiniń rezektsııasy, oń jaqtaǵy paranefraldik maıly tinderdiń rezektsııasy, ıleokolııalyq venanyń tromboektomııasy, lımfodıssektsııa.
4 saǵatqa sozylǵan ota sátti ótti.
Operatsııadan keıingi kezeń eshbir qıyndyqsyz ótip, naýqas 14-shi kúni qanaǵattanarlyq jaǵdaıda aýrahanadan shyǵaryldy.
Óz kezeginde onkologtar Almaty turǵyndaryn tirkelgen jeri boıynsha qalalyq emhanalarda belsendi túrde tegin skrınıngten ótýge shaqyrady, óıtkeni megapolıste skrınıng pen onkologııalyq naýqastardy erte dıagnostıkalaýdyń artýy arqasynda qaterli isikterden bolatyn ólim-jitim tómendedi.
Keıingi kezeńderde aýrýdyń belgileri paıda bolǵan kezde jáne isiktiń taralý yqtımaldyǵy bar bolsa, aýrýdy emdeý kúrdelene túsedi.
