Almatyda onkologııalyq naýqasqa biregeı ota jasaldy
ALMATY. QazAqparat- Qazaq onkologııa jáne radıologııa ǵylymı-zertteý ınstıtýtynyń onkolog-neırohırýrgtary omyrtqadaǵy isikti alý boıynsha joǵary tehnologııalyq ota jasady, dep habarlaıdy QazAqparat tilshisi.
Qazaq onkologııa jáne radıologııa ǵylymı-zertteý ınstıtýtynyń habarlaýynsha, 41 jastaǵy naýqas onkologtarǵa arqasy qatty aýratynyn aıtyp shaǵymdanǵan. Buǵan deıin, ol Almatydaǵy túrli aýrýhanalarǵa júgingen, biraq oǵan operatsııany tek QazOjRǴZI jaǵdaıynda ǵana júrgizýge bolatynyn aıtqan.
«1980 jylǵy áıeldiń 3-shi omyrtqasy isikpen zaqymdanyp, synyp, asqynǵan. Іsik protsesi julynnyń tamyrlaryn qysyp tastaǵan, bul patsıent júrgende qatty aýyrsynady, sol sebepti naýqas aqsap júrgen. Únemi aýyrsynýdy basatyn dári ishken. KT-da biz omyrtqanyń tolyq zardap shekkeninin kórdik. Іsikti alyp tastaý jáne zaqymdalǵan omyrtqany arnaıy metall konstrýktsııa kómegimen qalpyna keltirý úshin hırýrgııalyq jolmen spondılodez jasaý týraly sheshim qabyldandy», – dedi QazOjRǴZI neıroonkologııa ortalyǵynyń neıroonkolog - hırýrgy Aıdar Ysqaqov.
Dárigerdiń aıtýynsha, spondılodez - bul arnaıy quraldardy qoldanatyn joǵary tehnologııalyq operatsııa. Hırýrgııa rentgen sáýlesiniń edáýir dozasyn qoldaný arqyly júzege asyrylady.
«Birinshi kezeńde omyrtqanyń qysylýyn joıý úshin transpedıkýlıarlyq bekitpe jasaldy. Sodan keıin omyrtqaǵa arnaıy burandylar ornatyldy, olardyń arasyna tıtan qurylymy bekitildi. Munyń bári rentgen baqylaýymen, portatıvti rentgen qondyrǵysynyń kómegimen júzege asyryldy. Operatsııa 3 saǵatqa sozyldy» ,- dedi QazOjRǴZI neıroonkologııa ortalyǵynyń meńgerýshisi Berik Isataev.
Qazirgi ýaqytta naýqastyń jaǵdaıy jaqsy. Dárgerler ony úıine shyǵarýǵa daıyndap jatyr.
«Atalǵan joǵary tehnologııalyq jáne qymbat turatyn spondılodez operatsııasy bizdiń ınstıtýtta barlyq patsıentter úshin qoljetimdi. Ol úshin emdeýge jatqyzý portaly arqyly joldama alý qajet»,- deıdi bólim meńgerýshisi.
