Almatyda onkologııalyq aýrýǵa shaldyqqan adamǵa biregeı operatsııa jasaldy
ALMATY. QazAqparat – Almatylyq dárigerler onkologııalyq naýqasqa biregeı operatsııa jasap, onyń ómirin saqtap qaldy, dep habarlaıdy QazAqparat tilshisi.
Qoǵamdyq densaýlyq saqtaý basqarmasynyń habarlaýynsha, Almatynyń onkologııa ortalyǵyna «Jappaı zaqymdanǵan óńesh qaterli isigi» dıagnozymen 50 jastaǵy er adam kelip tústi. Boıy – 177 sm, salmaǵy – 43 keli normaǵa sáıkes kelmeıtin patsıenttiń jaı-kúıi – óte qıyn boldy.
Naýqasty tekserip qaraǵannan keıin, Nurlan Baltaevtyń basshylyq etýimen onkologııalyq ortalyqtyń dárigerleri kópkezeńdik operatsııa jasaý týraly sheshim qabyldady. Sebebi patsıenttiń jaı-kúıi tolyq saýyqtyratyn bir mezgildik operatsııa jasaýǵa kelmeıtin.
Alǵashqy operatsııa jasaý kezinde óńeshtiń totaldy rezektsııasymen qorektik tútiksheni ornatýmen jáne óńeshtiń moınyndaǵy óskinderin shyǵara otyryp asqazandy jumyldyrý júrgizildi. Otadan keıin, patsıent tútikshe arqyly tamaqtandy.
«Belgili bir ýaqyttan keıin ekinshi operatsııa jasaldy, onyń barysynda dárigerler toq ishektiń kesindisinen óńesh ornyn qalyptastyrý arqyly tamaqtanýdyń ótkizgishtigin qalpyna keltirdi», - deıdi hırýrgııa bóliminiń meńgerýshisi Nurlan Baltaev.
Onyń aıtýynsha, joıylǵan óńesh toq ishektiń kesindisine aýystyryldy. ıAǵnı, ekinshi operatsııa qaıta qurý-qalpyna keltirý boldy. Osylaısha, patsıenttiń tabıǵı jolmen tamaqtanýy qalpyna keltirildi.
Júrgizilgen birneshe kúrdeli operatsııadan keıin patsıenttiń densaýlyǵy jaqsardy. Qazir onyń salmaǵy 55 keli.
Operatsııa sátti ótkendikten, hımııalyq terapııa qajet emes. Patsıent úıine shyǵaryldy.
