Almatyda onkoınstıtýtta jatqan 14 naýqas pen tórt qyzmetkerden koronavırýs anyqtaldy
ALMATY. QazAqparat – Qazaqstan onkologııa jáne radıologııa ǵylymı-zertteý ınstıtýtynyń 14 patsıenti men tórt qyzmetkerinen koronavırýs anyqtaldy. Bul týraly Almaty qalasy Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda aıtty, dep habarlaıdy QazAqparat tilshisi.
«Búgingi kúni Qazaq onkologııa jáne radıologııa ǵylymı-zertteý ınstıtýtynda naýqastar arasynda koronavırýs ınfektsııasynyń 14 jáne qyzmetkerler arasynda PTR testi oń kórsetken tórt jaǵdaı tirkeldi. Qazirgi ýaqytta aýmaqtyq sanıtarlyq-epıdemıologııalyq baqylaý departamentimen jospardan tys tekserý júrgizilip, aldyn alý sharalary qabyldandy», - deıdi Ásel Qalyqova
Onyń aıtýynsha, koronavırýs anyqtalǵan naýqastar qaladaǵy juqpaly aýrýlar aýrýhanalaryna aýystyryldy.
«Koronavırýs anyqtalǵan Onkologııalyq ortalyqtyń bólimi jabyldy. ıAǵnı, osy mekemege medıtsınalyq kómek kórsetý úshin naýqastardy josparly qabyldaý toqtatyldy. Jaǵdaı baqylaýda jáne jospardan tys tekserý jalǵasýda», - dedi spıker.
Sonymen qatar, ol medıtsınalyq mekemeniń mártebesi respýblıkalyq ekenin atap ótti.
«Onda Qazaqstanyń barlyq aımaǵynan keledi. Medıtsınalyq mekemege qabyldanǵandardyń barlyǵynda PTR testi nátıjesi boldy, qazir testilerdiń qoljetimdiligi tekserilip jatyr. ıAǵnı PTR testi shynymen ótken, ótpegeni anyqtalady. Bul mekemede sanıtarlyq-epıdemıologııalyq rejımniń qandaı buzýshylyqtary bar, tekserý nátıjıeleri kórsetedi «, - dedi Ásel Qalyqova.
