Almatyda ónerkásiptik kásiporyndar 1 mlrd teńgeden astam tólem tólegen
ALMATY. QazAqparat - Almatyda ónerkásiptik kásiporyndar qorshaǵan ortaǵa bólingen zııandy zattary úshin 1 mlrd teńgeden astam tólem tólegen, dep habarlaıdy QazAqparat tilshisi.
Búgin bul týraly qalalyq kommýnıkatsııalar qyzmetinde qalalyq Ekologııa departamentiniń basshysy Orman Aqqozıev aıtty.
Onyń málimdeýinshe, byltyr tabıǵat paıdalanýshylar qorshaǵan ortaǵa keltirgen zııany úshin 1 mlrd 263 mln teńge tólegen.
«2017 jyly tabıǵat paıdalanýshylar qorshaǵan ortaǵa emıssııalar úshin 2017 jyly - 1 263 mln teńge, al 2016 jyly - 1 161 mln teńge kóleminde tólemder júrgizgen», - dedi ol.
Maman tabıǵat qorǵaý is-sharalarynyń talaptaryn saqtaý men oryndaýda oń úrdis baıqalatyndyǵyn jetkizdi.
«2017 jyly qalalyq bıýdjetten tabıǵat qorǵaý sharalaryna 6 mlrd 545 mln 882 myń teńge bólindi. Qalalyq bıýdjetten qarjylandyrylatyn is-sharalardan bólek, 2017 jyly qala kásiporyndary óz qarajaty esebinen 2 mlrd 830 mln 000 myń teńge qarjyny ekologııalyq maqsatta jumsaǵan. Byltyr 3 mlrd 360 mln 257 myń teńgege qorshaǵan ortany qorǵaý sharalary oryndaldy», - dedi O.Aqqozıev.
Foto: newmarketautobody.org
