Almatyda ónerkásip nysandary iske qosylýda
ALMATY. QazAqparat - Almatyda ónerkásip nysandarynyń jumysy qalpyna kelýde, dep habarlaıdy QazAqparat tilshisi.
Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtabynda málim etkendeı, Almaty qalasyndaǵy 120 kásiporynnyń 76-sy jumys istep tur.
11-19 qańtar aralyǵynda 44 kásiporynnyń iske qosylýy josparlanyp otyr. Onyń ishinde tamaq ónerkásibinde - 21 kásiporynnyń 18-i, qurylys ındýstrııasynda - 20 kásiporynnyń 10-y, mashına jasaýda – 14 kásiporynnyń 7-i, sýsyndar óndirisinde - 12 kásiporynnyń 9-y, hımııa ónerkásibinde – 10 kásiporynnyń 3-i, jıhaz ónerkásibinde – 8 kásiporynnyń 3-i, farmatsevtıkada – 8 kásiporynnyń 6-y, metallýrgııada – 8 kásiporynnyń 7-i, qaǵaz óndirisinde – 7 kásiporynnyń 6-y, jeńil ónerkásipte – 6 kásiporynnyń 4-i, polıgrafııada - 6 kásiporynnyń 3-i.
Destrýktıvti tulǵalardyń áreketterinen 2 kásiporyn - «BRB APK» JShS jáne «Lıbella Bottlers» zardap shekti, zalal eseptelýde.
