Almatyda óner juldyzdary EQYU Sammıtine arnalǵan birikken kontsert beredi
ALMATY. Qazannyń 18-i. QazAqparat /Názıra Eleýhan/- Almatyda erteń, qazan aıynyń 19-y kúni Jambyl atyndaǵy Qazaq Memlekettik fılormonııasynda elimizge tanymal skrıpkashy, QR halyq ártisi Aıman Musaqojaeva, Izraıl eliniń aty ańyzǵa aınalǵan vıolonchelısti Mısha Maıskıı, Slovakııa eliniń talantty dırıjery Leosh Svarovskıı,
sonymen qatar Qazaq ulttyq óner ýnıversıtetiniń eýrazııalyq sımfonııalyq orkestri men QR memlekettik akademııalyq sımfonııalyq orkestri jeltoqsan aıynyń 1-2 kúnderi ótetin EQYU Sammıtine arnalǵan tuńǵysh ret birikken kontsert beredi. Bul týraly qonaqtar búgin Almatyda ótken arnaıy baspasóz máslıhatynda habarlady.
Aıman Musaqojaevanyń aıtýynsha, Astanada osyndaı kontsert qazannyń 16-synda úlken jetistikpen ótken. "Kontsertke barlyq elshilikterdiń basshylary, EQYU ókilderi jáne basqa da joǵary qyzmettegi qonaqtar keldi. Bul kontsert - túrli mádenıettegi, mýzykaǵa mahabbatpen birikken jáne beıbitshilik pen kelisimde turyp jatqan ár túrli el adamdarynyń shyǵarmashylyq jobasy bolyp tabylady. Bizdiń kontsert "EQYU Sammıti kezdesýine" arnalǵan ózindik aktsııa men Sammıt qonaqtaryn qarsy alýǵa arnalǵan shara", - dedi Aıman Musaqojaeva.
Kontsert baǵdarlamasynda Erkeǵalı Rahmadıevtiń «Daırabaı» sımfonııalyq kúıi, Petr Chaıkovskııdiń «Razmyshlenıe», «Melanholıcheskaıa serenada», «Vals - skertso», «Skertso» jáne «Melodııa» pesalary, Kamılıa Sen- Sansanyń «Rondo- kaprıchchıozosy», Almas Serkebaevtyń «Shalqyma» orkestrlik kúıi oryndalyp, Ioganes Brams orkestriniń skrıpka jáne vıolonchelge arnalaǵan kontserti ótedi.
