Almatyda "Óner" halyqtyq-qoǵamdyq ýnıversıteti quryldy

Mýzeı dırektory Hasen Qoja-Ahmettiń aıtýynsha, bul ıdeıanyń avtorlary mýzykatanýshy Jarqyn Shákárim, sybyzǵyshy Talǵat Muqyshev, ánshi-jyrshy Aqan Ábdýáli sekildi dástúrli óner janashyrlary. «Óner» halyqtyq qoǵamdyq ýnıversıtetiniń maqsaty men mindetteri:  óz tyńdaýshylaryna mádenı-estetıkalyq tárbıe berý;  Ulttyq salt-dástúrdi,  ónerdi,  ozyq mádenı qundylyqtardy  nasıhattaý; El ishindegi halyq talanttarynyń shyǵarmashylyǵyn shyńdaýǵa, olardy halyqqa keń túrde nasıhattaý.

«Óner» halyqtyq-qoǵamdyq ýnıversıtetiniń quryltaıshylary Yqylas atyndaǵy mýzykalyq aspaptar murajaıy men úılestirý keńesi músheleri bolyp tabylady.  «Óner» halyqtyq ýnıversıteti óz qyzmetin «Mádenıet týraly» Zań jáne «Mádenı mura» memlekettik baǵdarlamasyn basshylyqqa ala otyryp, Qazaqstan Respýblıkasynyń basqa da normatıvtik quqyqtyq aktisi negizinde, sondaı-aq úılestirý keńesiniń jumys jospary boıynsha atqarady. Halyqtyq ýnıversıtettiń jumys jospary úılestirý keńesinde talqylanyp, bekitiledi. «Óner» halyqtyq ýnıversıtetiniń basqarýshy organy  Úılestirý keńesi.  Onyń  jıyny úsh aıda bir ret jáne  qajet dep tapqan jaǵdaıda mezgilinen buryn shaqyrylady.   Aqan Ábdýáli tóraǵalyq etetin Úılestirý keńesine  Ramazan Stamǵazıev, Saıan Aqmolda, Erkin Shúkimanov, Uljan Baıbosynova, Talǵat Muqyshev, Aıtbergen Qulmentegi, Murat Ábýǵazy, Gúlnur Ómirbaeva,  Samal Dáribaıuly men Jasulan Bazarbekov sııaqty azamattar múshe bop saılanyp otyr.