Almatyda ondaǵan PIK basshylary qar tazalamaǵany úshin jazaǵa tartyldy

ALMATY. QaAqparat - Almatyda birden ondaǵan PIK basshylary ýaqytynda qar tazalamaǵany úshin ákimshilik jaýapkershilikke tartyldy, dep habarlady qalalyq tabıǵı resýrstar jáne tabıǵatty paıdalanýdy retteý basqarmasynan.

Vedomstvo abattandyrý qaǵıdalaryna sáıkes aýmaqta aýla mańyndaǵy qardy tazalaý PIK-ke júktelgenin aıtty. Alaıda bul baǵyttaǵy jumystar óte mardymsyz. Osy jyldyń 24-30 qańtar aralyǵynda abattandyrý qaǵıdalaryn saqtamaǵandyǵy úshin 21 PIK-ke somasy 183 348 myń teńgege hattama jasaldy. Qalanyń kommýnaldyq qyzmetteri, óz kezeginde, joldy qardan tazartyp jatyr. Jumysqa 678 birlik arnaıy tehnıka, 100 jol jumysshylary tartylǵan. Sonymen, 3 aqpanda saǵat 09.00-de paıdalanylǵan qum-hlorıdti qospa mólsheri 2943 tonnany, áketilgen qar - 12633 sharshy metrdi qurady. Qys bastalǵannan beri barlyǵy 193000 tonna qar kúresinge shyǵarylǵan.