Almatyda ondaǵan mashına jolda qazylǵan shuńqyrǵa túsip ketti
ALMATY. QazAqparat - Almatyda Jetisý kóshesiniń boıynda qazylǵan shuńqyrǵa ondaǵan kólik túsip ketti, dep habarlaıdy QazAqparat tilshisi.
Jol kólik oqıǵasyna baılanysty Jetisý men ıAnýshkevıch kósheleriniń qıylysynda kólik keptelisi paıda boldy.
Kólikterdiń keıbiri ózdiginen shyǵyp jatsa, keıbirin arnaıy tehnıka jaldap tartyp shyǵarýǵa týra keldi.
Aıta ketý kerek, Jetisý kóshesinde birneshe merdiger uıymdar Almaty qalalyq energetıka jáne kommýnaldyq sharýashylyq basqarmasynyń tapsyrysy boıynsha sý jelisin aýystyryp jatqan bolatyn.
«Bul jerde sý jelisin aýystyrý jumystary jasaldy. Artynan topyraq pen qıyrshyq tas aralas ballast tóselgen. Tańerteń jaýǵan jaýyn bul jabyndyny otyrǵyzyp jibergen. Búgin-erteń demalys, kelesi aptada atalǵan aımaq asfalttalady. Qazir jolǵa apattyq belgi qoıylady», - dedi merdiger kompanııa «Tehno Snab 2002» JShS proraby Maqsat Bıkbaev.
