Almatyda «Ońaı!» termınalynyń qyzmetinde kidiris boldy
ASTANA. QazAqparat - Almatyda keshe, 19 qańtar kúni saǵat 16-00-den keıin qoǵamdyq kólikterde «Ońaı!» júıesiniń termınaldary offlaın rejıminde jumys istedi, dep habarlaıdy QazAqparat Almaty Kólik holdınginiń baspasóz hatshysy Altaı Sandybaevqa silteme jasap.
Almaty qalasynyń Kólik holdıngi «Ońaı!» termınaldarynyń jumysynyń buzylýy Kcell jelisindegi málimetterdi jetkizý qyzmetindegi qıyndyqtarǵa baılanysty týyndaǵandyǵyn jetkizdi.
«Osy sebepke baılanysty Almatynyń qoǵamdyq kólikterindegi termınaldardyń bir bóligi 19 qańtar kúni saǵat 16-00-den keıin offlaın rejıminde jumys istedi. Kartalarynda qajetti ballans bar jolýshylar esh qınalǵan joq. Al, kartalaryn saǵat 16-00-den keıin tolyqtyrǵan azamattardy qıyndyqtar boldy»,-delingen habarlamada.
Kcell mamandary 4 saǵat boıyna týyndaǵan máseleniń mán-jaıyn anyqtaýmen aınalysty. Saǵat 20-00-de termınaldar ádettegi rejımdi jumys istedi.
«Almaty qalasynyń kólik holdıngi» JShS «Ońaı!» kartasymen kóliktik tólem jasaý qyzmetiniń operatory.
