Almatyda «OŃAI» kartasynyń mıllıonynshy ıegerine tońazytqysh tabys etildi
ALMATY. QazAqparat - Almaty qalasynyń turǵyny, kóp balaly ana Aıjan Jaqypova «OŃAI» kólik kartasynyń mıllıonynshy ıegeri atandy. Osyǵan baılanysty oǵan jeńildetilgen kartamen birge tońazytqysh syıǵa tartyldy. Bul týraly búgin «Almaty qalasynyń Kólik Holdıngi» JShS-nyń baspasóz qyzmeti habarlady.
«Kóp balaly analarǵa kómek kórsetkenderi úshin qala basshylyǵyna rızamyn. Bizge shynynda da jeńildetilgen jol júrý bıleti qajet bolatyn. Men «OŃAI» kólik kartasyn engizilgeli beri qoldanyp kelemin. Óte yńǵaıly, biraq qoǵamdyq kólikte mektepte oqıtyn balalarymmen birge júretin bolǵandyqtan qymbatqa túsip júretin. Sondyqtan jeńildik berilgeni bizge óte jaqsy boldy. Bul syılyq bizdiń otbasymyz úshin úlken qýanysh», - dedi Aıjan Jaqypova.
Aıta ketelik, 2016 jyldyń 23-shi aqpanyna qaraı satylǵan jáne taratylǵan «OŃAI» avtokólik kartasynyń sany - 1 000 520-ǵa jetti. Olardyń ishinde 416 165 jeńildetilgen kólik kartasy taratylsa, 584 355 biryńǵaı kólik kartalary satylǵan.
