Almatyda «Ońaı» kartasy qymbattady
ALMATY. QazAqparat - Qoǵamdyq kólikte jol aqysyn tóleý úshin shyǵarylatyn jańa transporttyq kartalar qymbattaıdy, dep habarlaıdy QazAqparat tilishisi.
Ádette 425 teńge turatyn «Ońaı» transporttyq kartasyn almatylyqtar men qala qonaqtary 500 teńgege satyp ala alady.
Almaty kólik holdınginiń málimdeýinshe, kartanyń óz baǵasy 425 teńgeden áldeqaıda qymbat.
«Biz alǵashynda búkil halyqty kólik kartasymen qamtamasyz etýge tyrystyq. Búginde 12 mln 11 myń karta satylǵan. Qala turǵyndarynyń tek 40 paıyzy ǵana qoǵamdyq kólikpen júredi»,-dedi «Almaty qalasy kólik holdıngi» JShS dırektory Sadır Hamraev.
Jol aqysyn tóleýdiń taǵy bir joly - «Ońaı» brelogy edi. Ol endi 2000 teńge turady (buryn 1000 teńge bolǵan), dızaınerlik túri 700 teńgege satylady. Biraq bulardyń ishine 1 rettik jol júrý quny bolmaıdy.
