Almatyda «OŃAI» bılet berýshileriniń kómegimen 10 urlyq áshkerelendi
ALMATY. QazAqparat - «OŃAI» bılet berýshileri qandaı da bir kúdiktini baıqaǵan jaǵdaıda onyń jolyn kesý úshin WhatsApp messendjerindegi chatqa barlyq aqparatty lezde jiberip otyrady. Avtobýs baǵytyna jaqyn ornalasqan polıtsııa bólimshesi jaýap qaıtarady, dep habarlaıdy «QazAqparat» HAA tilshisi.
«Almaty kólik holdıngi» JShS habarlaǵandaı, «Urlyqqa jol joq» chaty 2016 jyly 25 qazanda quqyq qorǵaý organdarynyń bireýdiń múlkine qol soǵýymen kúresý maqsatynda «OŃAI» elektrondyq bılet júıesi operatorlarynyń Basqarý-revızııalyq basqarmasy men qaladaǵy Medeý aýdandyq prokýratýrasy, qalalyq ІІD krımınaldy polıtsııa basqarmasymen birlese otyryp qurylǵan.
«Qoǵamdyq kólikterdegi bılet berýshilerdiń kómegimen búginge deıin 10 qylmys áshkerelendi», - dep málimdedi Almaty qalalyq ІІD krımınaldyq polıtsııa basqarmasynyń bastyǵy, polıtsııa podpolkovnıgi Janbolat Zıadın. 
«OŃAI» elektrondyq bılet júıesi operatorynyń Іshki baqylaý basqarý-revızııalyq basqarmasynyń bastyǵy Azamat Berdibekov pen bılet berýshi Murat Qasymbekov quqyq qorǵaý organdaryna kómek kórsetkenderi úshin alǵys hattarmen marapattaldy.
