Almatyda on-laın rejıminde tanymal ýkraın pedıatry Evgenıı Komarovskıımen kezdesý ótti
ALMATY. 9 maýsym. QazAqparat /Názıra Eleýhan/ - Búgin Almatyda Nestle kompanııasynyń uıymdastyrýymen Almaty-Harkov telekópiri ótti.
On-laın rejıminde ótken kezdesý barysynda qazaqstandyq pedıatrlar men jas ata-analar tanymal ýkraın pedıatry Evgenıı Komarovskıımen áńgimelesip, bala densaýlyǵy jáne bala tárbıesine qatysty suraqtarǵa jaýap aldy.
Uıymdastyrýshylardyń aıtýynsha, telekópir Reseı, Qazaqstan, Ýkraınanyń pedıatrııa salasyndaǵy tanymal sarapshylarmen ótetin dástúrli kezdesýler aıasynda uıymdastyrylyp, Qazaqstandaǵy salaýatty ult densaýlyǵyn qalyptastyrý maqsatynda ótkizilip otyr.
Sharaǵa 150-den asa ata-analar men tanymal qazaqstanyq sarapshylar qatysty.
"Men eń aldymen bala densaýlyǵy máselesine úlken mán berip, osy kezdesýdi uıymdastyryp otyrǵan "Nestle" kompanııasyna alǵysymdy bildirgim keledi. Meniń keńesterim jarap, suraqtaryńyzǵa jaýap taba alyp jatsańyzdar qýanyshtymyn",-dedi Evgenıı Komarovskıı.
Telekópirdiń formaty suraq-jaýaptardan turdy.Ata-analardy negizinen bala densaýlyǵy men tamaqtanýyna qatysty suraqtar, bala-baqshaǵa daıyndaý men tumaýdan vaktsına jasaý, erte damytý ádisteri syndy suraqtar mazalady.
Balany tumaýdan vaktsınatsııalaý jónindegi suraqqa maman jyl saıyn múmkindiginshe egilý kerek degen usynysyn bildirdi. "Men jáne meniń otbasym jyl saıyn tumaýdan egiledi. Egý ne ekpeý, ol materıaldyq jaǵdaıǵa baılanysty. Eger sapaly vaktsına alýǵa múmkindik bolyp jatsa, jasatý kerek",-dep keńes beredi ol.
Onyń aıtýynsha jetkilikti ımýnıteti bar bala bala-baqshada sýyq tııý, tymaý syndy aýrýlarmen jylyna 6-12 retke deıin aýyrýy bir qalypty jaǵdaı. "Eń bastysy ondaıda saýatty emdeı bilý kerek, "hımııamen" tamaqtandyrmaı, kerisinshe, taza aýaǵa kóp shyǵaryp, qoıý tamaqty ishtirmeı, suıyq zattardy kóp berý kerek. Sonda bala tez jazylady. Sonymen qatar, úı men bala baqsha temperatýrasyn bir qalypty ustaý mańyzdy",-deıdi maman.
Balany erte damytý ádisteri jónindegi suraqqa ol: "Balany erte damytý, ony baqytty etpeıdi, ony men naqty bilemin. Balanyń kóp nárseni bilgeni jón, biraq bul iste artyq ketpeý kerek",-dep sanaıdy Evgenıı Komarovskıı.
