Almatyda Oljas Súleımenovtiń 75 jasqa tolýyna oraı aqyn kitaptarynyń kórmesi ótti
ATY. 17 mamyr. QazAqparat /Ádilet Musahaev/ - Aqyn jáne kórnekti pýblıtsıst, qoǵam qaıratkeri Oljas Súleımenovtiń 75 jasqa tolý mereıtoıyna oraı Almatydaǵy QR Ulttyq kitaphanasynda «Ár sózińe táńirim ıip turǵan..» atty kitap kórmesi ótti.
«Týǵan qalam - Almatym», «Arǵymaqqa mingen aqyn», «Taýlardy alasartpaı - dalany bıikteteıik», «Elin álemge tanytqan azamat», «Jer anany aıalatqan», «Qalamger - halyq perzenti» atty bólimderden turatyn kórmege aqynnyń 200-den astam qazaq, orys jáne shet tilderde jaryq kórgen kitaptary qoıylǵan. Sondaı-aq kórmege Ulttyq kitaphana qoryndaǵy kitaptardyń ishinde 1975 jyly basylyp shyqqan «AZ ı ıA» kitaby, «Atameken», «Qysh kitaby», «Arǵymaqtar», 7 tomdyq shyǵarmalar jınaǵy, tańdamaly týyndylary men taǵy basqa kitaptary qoıylǵan.
Kórme barysynda «Oljas kitaphanasy» baspa úıi basyp shyǵarǵan «AZ ı ıA», «Glınıanaıa knıga», «Lıteratýra eto jızn», «Besedy s Oljasom», «I v kajdom slove ýlybalsıa bog», «No lıýdıam ıa ne lgal...», «Fenomen Oljasa» kitaptarynyń tusaýy kesildi.
