Almatyda Olımpıadalyq estafeta ótedi
ALMATY. 3 mamyr. QazAqparat - Almatyda 19 mamyr kúni olımpıadalyq estafeta saıystary bolady. Bul sharaǵa qala turǵyndary men qonaqtary qatysady dep josparlanýda.
Dástúrli túrde jyl saıyn ótetin bul shara bıyl Londondaǵy HHH Jazǵy Olımpıada oıyndaryna arnalyp otyr. Halyqaralyq shańǵymen tuǵyrdan sekirý kesheni bazasynda ótkeli otyrǵan bul jarystyń baǵdarlamasyna - qashyqtyqqa júgirý, sekirý, velojarys, rolıkpen jarys sekildi sport túrleri endi. Byltyrǵy Olıpıadalyq estafetaǵa 20 myńnan astam adam qatysqan bolatyn. Uıymdastyrýshylar aǵymdaǵy jyly qatysýshylardyń sany byltyrǵydan da kóp bolady dep boljaýda. Onda jarys jeńimpazdaryna «Proekters & Camble» Qazaqstan kompanııasy men Ulttyq olımpıadalyq komıtet tarapynan baǵaly syılyqtar berilmek.
