Almatyda Olımpıada chempıonynyń qurmetine týrnır ótti
ASTANA. QazAqparat - Almatyda jasóspirimder arasynda Olımpıada chempıony Olga Shıshıgınanyń júldesine arnalǵan týrnır ótti, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
2000 jylǵy Olımpıada chempıonynyń qurmetine ótkizip júrgen jarys 2014 jyldan bastaý alady. Tórt jyldan beri turaqty túrde ótkizilip keledi.
Ashylý saltanatynda Olga Shıshıgına men Almaty qalalyq jeńil atletıka federatsııasynyń prezıdenti Muhıt Ázirbaev qatysýshylarǵa sáttilik tiledi.
Jarys respýblıkalyq kolledjiń jeńil atletıka manejinde uıymdastyrylady. Negizinen týrnırge balalar jáne jasóspirimder qatysady. Alaıda kezinde Olga Shıshıgınanyń ózi óner kórsetken 60 metrge tosqaýyldar arqyly júgirý saıysyna eresek atletter qatysty. Bul joly osy qashyqtyqta tanymal qazaqstandyq jeńil atlet Áıgerim Shynazbekova jeńiske jetti. Áıgerimniń ýaqyt kórsetkishi - 8 sekýnd.
Týrnırdiń reglamenti boıynsha Almaty qalasy men oblysynyń jasóspirimderi qatysýy kerek. Sportshylar 60, 300, 600 metrge júgirý, 60 metrge tosqaýyldar arqyly júgirý, estafeta, uzyndyqqa jáne syryqpen sekirýden baqtaryn synady. 
Jeńimpazdar men júldegerlerdi Olga Shıshıgına marapattady.
