Almatyda oqytý qarýlaryn urlaǵan qylmyskerler ustaldy
ALMATY. QazAqparat - Almaty kolledjderiniń birinde alǵashqy áskerı daıyndyq sabaǵy kabınetinen birneshe oqytý qarýlarynyń joǵalǵandyǵy týraly habarlanǵan. Mýlıaj qarýlardy urlady degen kúdikpen 20 jastaǵy eki jigit ustaldy, dep habarlaıdy QazAqparat tilshisi qalalyq ІІD baspasóz qyzmetine silteme jasaı otyryp.
Kúdiktilerdiń biri jumyssyz bolsa, ekinshisi joǵary oqý ornydarynyń birinde oqıdy.
«Olar kabınetke kirý úshin tereze toryn kesken. Keıin «AKS-74» markali avtomattyń 4 mýlıajyn (atylmaıtyn, tek oqytýǵa arnalǵan), 2 «IJ-60» pnevmatıkalyq pıstoletti qoldy qylǵan. Osylaısha qylmyskerler 220 myń kóleminde shyǵyn keltirdi. Polıtsııaǵa kolledj dırektory aryz jazǵan.
Qylmystyq is qozǵalǵan soń tergeýshiler kúdiktilerdi tapty. Qazir olar eshqaıda ketpeý týraly qol hat jazyp, úılerinde otyr», - dedi Bostandyq aýdany ІІB polıtsııa bóliminiń basshysynyń birinshi ornybasary Qumarbek Kenshinbaev.
Tárkilengen qarýlar qazir is materıaldaryna aıǵaq zat retinde tirkeldi. Suraq-jaýap kezinde jastar qylmys týraly oılamaǵandaryn, tek qarýdy qyzyqtaǵandaryn aıtyp aqtaldy.
