Almatyda oqyrmandarǵa 200-ge tarta kitap tegin usynyldy
ALMATY. QazAqparat - Búgin Almatyda QR Ulttyq kitaphanasy aldynda Saıahattaýshy kitaptar kitaphanasy nemese Býkkrossıng jobasynyń ashylý rásimi ótti.
Joba aıasynda qalamyzda tuńǵysh ret arnaıy shatyrdyń astyna ornatylǵan kitaptar sóresi oqyrmandardyń paıdalanýyna berildi. Dúńgirshekke uqsas bul arnaıy oryndaǵy aınalmaly kitaptar sóresine búgin 180 kitap qoıyldy.
«Endi, bul jerge kez-kelgen oqyrman kez-kelgen ýaqytta kelip, ózine qalaǵan kitaptardy alyp ketip, oqı alady. Eger unatsa ózine qaldyrady. Al, olardyń ornyna óziniń oqyǵan kitaptaryn nemese gazet-jýrnaldaryn alyp kelip qoıa alady. Biz eshqandaı baqylaý júrgizbeımiz. Oqyrman bıleti toltyrylmaıdy. Muny ashyq aspan astyndaǵy beıne bir jandy kitaphana deýge bolady. Bizdiń maqsatymyz - kitaptarǵa ekinshi ómir syılaý. Olardyń paıda ákelýine jol ashý. ıAǵnı, kitaptar sórelerde bekerge shań basyp jatpaýy kerek. Sondyqtan, biz qala turǵyndaryn bul aktsııaǵa belsene atsalysýǵa shaqyramyz», - dedi QR Ulttyq kitaphanasy dırektorynyń orynbasary Ajar ıÝsýpova.
Sonymen qatar, Ajar Hamıtqyzynyń aıtýynsha, aldaǵy ýaqytta qaladaǵy basqa da áleýmettik nysandar aýmaǵynda osyndaı sóreler qoıylatyn bolady.
«Árıne, buǵan deıin saıabaqtar men gúlbaqtarynda osyǵan uqsas sharalar ótkizilgen. Biraq, arnaıy mamandandyrylǵan oryn kitaphana qyzmetkerleriniń bastamasymen tuńǵysh ret ashylyp otyr. Búgin sórege qoıylǵan kitaptardy QR Ulttyq kitaphanasy qyzmetkerleri óz úılerinen alyp kelgen. Olar negizinen qazaq, orys, aǵylshyn, ıspan jáne túrki tilderinde jaryq kórgen kórkem ádebıetter. Degenmen, aldaǵy ýaqytta oqyrmandardyń suraýyna qaraı, bul sórege QR Ulttyq kitaphanasynyń almasý-rezervtik qoryndaǵy kitaptar jáne osy kitaphanaǵa syıǵa berilgen kitaptardyń artyq danalary da qoıylatyn bolady. Biz aldaǵy ýaqytta densaýlyq saqtaý, bilim mekemeleri, áýejaı, temirjol jáne avtovokzal basshylyqtarymen kelisip osy nysandardyń aýmaǵynda da osyndaı ashyq kitap sórelerin ornatýdy kózdep otyrmyz. Maqsatymyz - turǵyndardy kitap oqýǵa tartý, olardyń saýattylyǵyn arttyrý», - dedi A. ıÝsýpova.
Búgingi sharaǵa kitaphana basshylyǵy men qyzmetkerleri, oqyrmandar jáne Mańǵystaý, Pavlodar jáne Almaty oblysynan kelgen kitaphanashylar qatysty. A. ıÝsýpovanyń alǵy sózinen keıin, shashý shashylyp, oqyrmandar kóńildene «Býkkrosıng, - Býkkrosıng» dep urandatty.
«Bul ıgilikti shara maǵan óte unady. Endi biz de ony óz oblysymyzda, aýdan, tipti aýyl kóleminde de júzege asyrýǵa kúsh salatyn bolamyz. Men qyzmet etetin kitaphanada qazaq tilinde 8 myń, al orys tilinde 12 kitap jáne 387 oqyrmanymyz bar», - dedi Pavlodar oblysy, Ýspen aýdany, Kovalev aýyldyq kitaphanasynyń kitaphanashysy Roza Berkimbaeva.
Al QR Ulttyq kitaphanasynyń kitap qorynda búginde 6 mln 650 myń dana kitap bar. Jylyna kitaphanaǵa - 750-800 myń oqyrman keledi.
Aıta ketelik, Býkkrossıng(aǵylshyn tilinen aýdarǵanda «kitaptyń aınalysta júrýi») ıdeıasyn AQSh-ta ınternet-tehnologııa mamany Ron Hornbeker 2001 jyly usynǵan. Jarty jyldan keıin onyń saıtynda erkindikke jiberilgen kitaptyń jolyn jalǵastyrǵan 300 belsendi paıdalanýshy tirkeldi. Býkkrossıng «óziń oqy da - basqaǵa ber» qaǵıdasyna negizdelgen qarapaıym is-áreketten turady. Maqsaty - kitap oqýdy dáripteý, kitap oqýǵa tartý. 
