Almatyda oqýshyny tonap, telefonyn tartyp alǵandar ustaldy
ALMATY. QazAqparat - Almatyda jas balany tonap ketken adamdar ustaldy, dep habarlaıdy QazAqparat tilshisi.
Qoryqqan áıel «102» pýltine qońyraý shaldy. Ol kámeletke tolmaǵan uly 3 qaraqshynyń qurbany bolǵanyn aıtty.
«Balam maǵan qońyraý shalyp, oǵan belgisiz úsh adam jabylyp, telefonyn tartyp alǵanyn aıtty. Onyń daýysy úreıli edi, qorqyp turǵany baıqaldy. Men dereý mekenjaıǵa polıtsııa shaqyryp, ózim de shyǵyp kettim», - deıdi áıel.
Polıtsııa birneshe mınýttan keıin keldi. Olar aýmaqty tekserip, uqsas sıpattamasy bar kúdiktilerdi ustady.
«Men kelgenge deıin polıtsııa qylmyskerlerdiń ustalǵanyn habarlady, olardyń janynda meniń balamnyń telefony bolǵan. Meniń balam olardy birden tanydy. Osy adamdardy jedel ustaǵany úshin Medeý aýdanynyń polıtsııa qyzmetkerlerine kóp rahmet. Endi men osyndaı polıtsııa qyzmetkerleriniń arqasynda balamnyń ómiri men densaýlyǵy senimdi bola alamyn. Sizge kóp rahmet», - dedi balanyń anasy.
«Aıǵaq zat - telefon tutqyndalǵandardyń birinen tárkilendi. Atalǵan fakti boıynsha qazirgi ýaqytta QR QK 191-baby boıynsha sotqa deıingi tergeý júrip jatyr. Patrýldik polıtsııa qyzmetkerleri óz mindetterin sapaly túrde oryndap, qylmystyń izin sýytpaı ashty. Azamattar muny baǵalap, rızashylyǵyn bildirgeni qýantady», - dep túıindedi Medeý aýdandyq polıtsııa basqarmasynyń bastyǵy, polıtsııa podpolkovnıgi Dáýren Ótebaev.
