Almatyda oqýshyny pyshaqpen qorqytqan kúdikti ustaldy
ALMATY. QazAqparat – Almatyda mektep oqýshysyna pyshaq kezep qorqytqan kúdikti aýla sypyrýshy ustaldy, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, osy derek boıynsha qylmystyq is qozǵady.
«Balanyń zańdy ókilderiniń qatysýymen ótken betpe-bet kezdesýde qyz bala 50 jastaǵy er adamdy tanydy. Ol Orbıta shaǵyn aýdanynda aýal sypyrýshy bolyp jumys jasaıdy, sol aýdanda jertólede turady. Sol kúni ol tańerteń mas kúıinde dúkenge bara jatqanda qyz balany kórgen. Alaıda, kúdikti qyzdy pyshaqpen qorqytqysy kelmegenin aıtty. Ol qaltasynan telefon shyǵarmaq bolǵan edim dep aqtaldy. Taraptardyń jaýaptary mindetti túrde protsesýaldy tártipte tekseriletin bolady», - dedi Bostandyq aýdany polıtsııa basqarmasynyń basshysy Dáýren Ótebaev.
Eske salsaq, Almatyda mektep oqýshysyn belgisiz adam pyshaqpen qorqytqany týraly jáne ol adamnyń izdestirilýde ekenin habarlaǵan edik.
