Almatyda oqýshylary olımpıadada oryn alǵan ustazdar birjolǵy syıaqy aldy

ALMATY. Qazaqparat- Almaty qalasynyń olımpıadalyq komandasy elimizdiń eń úzdik olımpıadalyq komandasy atandy. Bul týraly óńirlik kommýnıkatsııalar qyzmetiniń alańynda «Almaty daryny» daryndy balalar men daryndy jastardy anyqtaý jáne qoldaý ortalyǵy dırektorynyń orynbasary Gúlnur Kárimǵajy málim etti, dep habarlaıdy QazAqparat tilshisi.

Spıkerdiń sózinshe, ótken oqý jylynda Qazaqstan quramasy álemniń 100-den astam eldiń oqýshysy qatysqan matematıka, fızıka, geografııa, hımııa, bıologııa, lıngvıstıka jáne ınformatıka (JBMO, IMO, IPhO, IGeO, IChO, IBO, ILO, IOI) boıynsha 8 prestıjdi halyqaralyq olımpıada da top jardy. Nátıjesinde Qazaqstan quramasynyń músheleri 33 rekordtyq medal (5 altyn, 17 kúmis, 11 qola) jeńip aldy.

Gúlnur Kárimǵajynyń aıtýynsha, daryndy balalardy qoldaý, damytý jáne áleýmettendirý óte mańyzdy. « 20 jyldan astam ýaqyt boıy Almaty qalasynyń olımpıadalyq komandasy halyqaralyq olımpıadalardyń qorytyndysy boıynsha Qazaqstan Respýblıkasynyń eń úzdik olımpıadalyq komandasy bolyp tabylady. Bul qalanyń basty jetistigi men maqtanyshy.

Bıylǵy oqý jylynda respýblıka qurama komandasyna Almaty qalasynan 18 oqýshy qosylyp, onyń ishinde 11 oqýshy 5 kúmis, 6 qola medal ıegeri atandy»,-deıdi ol. Memleket basshysynyń tapsyrmasy boıynsha daryndy balalardy qoldaý maqsatynda bıyl alǵash ret halyqaralyq zııatkerlik saıystardyń jeńimpazdaryna aqshalaı syılyqtar men qazaqstandyq joǵary oqý oryndarynda bilim alýǵa granttar beriledi. Altyn medal alǵan oqýshyǵa 1500 AEK, kúmis medalǵa 1000 AEK, qola medalǵa 500 AEK kóleminde aqshalaı syılyq beriledi. Mektep oqýshylaryn jarysqa daıyndaǵan ustazdar da birjolǵy syıaqy aldy.

«Jalpy, Almaty qalasynda daryndy balalardy qoldaý boıynsha biregeı tájirıbe jınaqtalǵan. Eger 2021 jylǵa deıin 56 olımpıada men baıqaý ótkizilse, bıyl 175-i ótti. Biz balalardy jeńýge kómektesetin oqý-jattyǵý jıyndaryn turaqty negizde uıymdastyramyz. Balalardy shetelge shyǵarý josparda bar», - dedi Gúlnur Kárimǵajy.