Almatyda oqýshylarǵa kásiptik baǵdar berý festıvali ótedi
Bul – mamandyq tańdaý kezinde kóptegen suraq mazalaıtyn mektep pen kolledj túlekteri úshin erekshe is-shara. Festıval alańdarynda bilim berý mekemeleriniń ókilderi festıvalge qatysýshylarǵa oqytýdyń ózekti baǵdarlamalaryn túsindiredi. Sonymen qatar eńbek naryǵynda suranysqa ıe kásip týraly oı bólisip, keńes beredi.
Festıvalǵa qatysýshylar úshin kórmeler, túrli baǵyttar boıynsha sheberlik sabaqtar, tusaýkeserler, kóshe qoıylymdary men fleshmobtar uıymdastyrylady.
Sheberlik sabaqtarda joǵary oqý oryndary men kolledjderdiń ókilderi jastarǵa túrli kásipterdiń ereksheligin túsindirip, oqýǵa túsý úshin qansha ball jınaý kerektigin aıtady. Sonymen qatar kelýshilerge suranysqa ıe mamandyqtar týraly tolyq aqparat usynylady.
Іs-sharaǵa Ulttyq testileý ortalyǵynyń sarapshylary da qatysady. Olar UBT-ǵa qalaı jaqsy daıyndalý kerektigin aıtyp bermek.
«Almatydaǵy zamanaýı bilim berý kúnderi» kásibı baǵdar berý festıvali saǵat 10:00 -18:00 aralyǵynda Panfılov jáne Jibek joly kóshelerinde ótedi.
Eske salaıyq, Memleket basshysy 2019 jyly Qazaqstan halqyna arnalǵan Joldaýynda oqýshylarǵa kásibı baǵyt-baǵdar berý saıasatyna kóshý kerektigin aıtqan bolatyn.
