Almatyda oqýshylarǵa kásipkerlik sabaǵy oqytylatyn boldy

ALMATY. QazAqparat - Qazaqstan mektepterinde tuńǵysh ret  «Kásipkerlik jáne bıznes negizderi» páni engiziledi. Pılottyq joba Almaty qalasynda Y.Altynsarın atyndaǵy №159 kóp salaly gımnazııasynda bastalady, dep habarlaıdy QazAqparat tilshisi.

Alǵashqy sabaq 10-11 synyp oqýshylary úshin qazaq tilinde ótedi.

Oqýshylar úshin arnaıy daıyndalǵan tańdaý pánin «Atameken» QR Ulttyq kásipkerler palatasy men QR Bilim jáne ǵylym mınıstrligi birlesip ázirledi.

Jańa pán 2018-2019 oqý jylynda respýblıka mektepteriniń oqý baǵdarlamasyna engiziledi.