Almatyda oqýshylardyń jazǵy demalysy qalaı uıymdastyrylady
ALMATY. QazAqparat - Almaty qalalyq Bilim basqarmasy qala ákimi Baqytjan Saǵyntaevtyń tapsyrmasy boıynsha balalardyń jazǵy demalysyn uıymdastyrýdy qolǵa aldy, dep habarlaıdy QazAqparat tilshisi.
«Bul jumysty qalalyq sport, mádenıet jáne qoǵamdyq damý basqarmalarymen birlesip uıymdastyryp jatyrmyz. Qalada balalarǵa arnalǵan shyǵarmashylyq úıirmeler men sporttyq sektsııalar jumys isteıtin bolady. Oqýshylardy qalanyń mádenı jáne sport nysandaryna aparý josparda. Sonymen qatar, olardy volonterlik is-sharalarǵa qatystyratyn bolamyz», - dedi Lázzat Jylqybaeva onlaın-brıfıng barysynda.
Sondaı-aq ol balalardyń qaýipsizdigin qamtamasyz etý úshin barlyq sanıtarlyq talaptardyń saqtalatynyn atap ótti.
Bıyl Almatyda jazǵy lagerler jumys istemeıtini týraly jazǵan bolatynbyz.
