Almatyda oqýshylardyń VICh-tan saqtanýyn arttyratyn is-sharalar ótýde
ALMATY. 25 tamyz. QazAqparat /Ádilet Musahaev/ - Jastar arasynda VICh ınfektsııasynyń taralyp ketýin tıimdi aýyzdyqtaý, jasóspirimderge ol jóninde tolyqqandy maǵlumat berý bolyp tabylady.
Osyǵan oraı "Ortalyq Azııa bilimi" bilim berý ortalyǵy «Shevron-Munaıgaz» kompanııasynyń qarjylandyrýymen 13-15 jas aralyǵyndaǵy jastarǵa "Bolashaq seniń tańdaýyńda" jobasyn iske asyrmaq. Atalǵan joba JQTB-ǵa ushyraǵan adamdarǵa tárbıelik tolerantty qatynasta bolýǵa jáne mektep oqýshylaryna bul indettiń taralý joly jóninde aqparat berýge baǵyttalǵan.
Jazǵy mezgildiń qyzǵan shaǵynda "Taý-kúni", "Jas úı turǵyzýshy", «Ogonek» jáne «Taý-Turan» lagerlerinde joǵary otrıadtar arasynda bilim berý trenıngteri ótkizilgen. Oǵan 300-den astam bala qatysqan.
Mamandar ınteraktıvti jáne roldi oıyndardy qoldana otyryp, jastardyń nazaryn VICh ınfektsııasynyń taralyp ketpeý qaýipsizdigi men ondaı indetke ushyraǵan adamdarǵa adamgershilikpen qaraý jónindegi taqyryptarǵa aýdartyp, tárbıelik máni bar maǵlumattar bergen.
