Almatyda oqýshylardyń tamaqtanýynyń biryńǵaı standarty engiziledi
ALMATY. QazAqparat - Almatyda jańa oqý jylynan bastap, oqýshylardyń tamaqtaný júıesiniń jańa standarty engiziledi, dep habarlaıdy QazAqparat tilshisi. Bul týraly óńirlik kommýnıkatsııalar qyzmetinde ótken brıfıng barysynda aıtyldy.
«Birinshi ret Qazaqstan terrıtorııasynda Almatyda oqýshylardyń durys tamaqtanýynyń biryńǵaı standarty engiziledi. 4 aptalyq mázir Qazaqstan taǵamtaný akademııasymen, Ulttyq densaýlyq ortalyǵynyń mamandarynyń nuqsaýlyǵymen jasaldy», - dedi qalalyq Qoǵamdyq densaýlyqty saqtaý departamentiniń basshysy Aızat Moldaqasymova.
Onyń aıtýynsha, bul oqýshylardyń densaýlyǵyn nyǵaıtýǵa, ımmýnıtetin kúsheıtýge, durys tamaqtaný rejımin qalyptastyrýǵa baǵyttalǵan shara.
Endi qalanyń barlyq mektepterinde tamaqtaný qyzmetin atqaratyn kásiporyndardyń barlyǵy taǵamdy bir standart boıynsha daıyndaıtyn bolady.
Biryńǵaı standart boıynsha 7-10 jastaǵy balalar sabaq mezgilinde - 840 kkal, 11-14 jastaǵy balalar - 951 kkal, 15-18 jastaǵy balalar 1020 kkal taǵam tutynatyn bolady.
