Almatyda oqýshylardy tonap ketken úsh kúdikti ustaldy
Almaty qalalyq polıtsııa departamentiniń málimetinshe, bir jarym saǵattyń ishinde úsh er adam Naýryzbaı aýdanynyń aýmaǵynda eki qylmys jasaǵan.
«Aldymen, olar saǵat 15:00 shamasynda mektepten qaıtyp kele jatqan úsh balaǵa shabýyl jasady. Olar kámeletke tolmaǵandardyń uıaly telefondary men aqshasyn ashyq túrde ıemdenip alǵan. Arada bir jarym saǵat ótken soń kúdiktiler 41 jastaǵy er adamdy tonap ketti. Bul joly olar jábirlenýshiniń uıaly telefony men qujattaryn alyp qoıǵan. Jedel izdestirý is-sharalary barysynda kúdiktiler dereý ustaldy. Olardyń jasy – 24-34 aralyǵynda», - dedi Naýryzbaı aýdandyq polıtsııa basqarmasynyń bastyǵy Danııar Meńdebaev.
Polıtsııa ókiliniń aıtýynsha, kúdiktiler óz kinásin moıyndady. Atalǵan derekter boıynsha qylmystyq is QR QK-niń 191-baby 3-bóliginiń 1-tarmaǵyna sáıkes tirkeldi. Uıaly telefon, qujattar aıǵaqty zat retinde tárkilendi jáne is materıaldaryna tirkeldi.