Almatyda oqýshylar jasaǵan 100-den astam qus uıasy ilindi (FOTO)
ALMATY. QazAqparat - Almatyda №5 gımnazııa oqýshylary qaratorǵaıǵa arnap 100 úıshik jasady.
Qus uıalary Medeý saıabaǵyndaǵy taldarǵa ilindi.
Jasandy uıalar «Medeý» taý shańǵysy kýrortynyń 2016 jylǵy damý baǵdarlamasy sheńberinde ótken «Qustar kúni» aktsııasy aıasynda jasaldy.
«Aktsııaǵa qatysqan ár bala óz qolymen jasap, tabıǵat ekojúıesiniń saqtalýyna óz úlesin qosty. Bul jumystardyń balalarǵa úlken tárbıelik máni boldy», - dedi park ákimshiliginen.
Ekologııalyq jumys barysynda «Alma Qala» uıymy bastaǵan Medeý parkiniń aımaǵynda 800 túp alma, terek, úıeńki, shaǵan aǵashyn otyrǵyzdy. 
