Almatyda oqýshylar ýytty ballonmen ýlanyp aýrýhanaǵa tústi
ALMATY. QazAqparat - Almatyda mektep oqýshylary ýytty ballonmen ýlanyp aýrýhanaǵa tústi, dep habarlaıdy QazAqparat tilshisi.
Tótenshe jaǵdaı №173 mektepte bolǵan. Qalalyq ІІD-niń resmı ókili Saltanat Ázirbek «mektepte jarylys boldy» degen qaýesetti joqqa shyǵardy.
«Mektepke ýytty ballonnyń ishindegi burysh shashyraǵan. Qazir polıtsııa bolǵan oqıǵaǵa qatysty tekserý júrgizip jatyr», - dedi Saltanat Ázirbek.
Qalalyq Densaýlyq saqtaý basqarmasy birneshe balanyń zardap shekkenin rastady. Qazir oqýshylar dárigerlerdiń qaraýynda.
№173 mektep ókilderi tótenshe jaǵdaı túski saǵat 4-ter shamasynda úlken qońyraý kezinde bolǵanyn habarlady. 7 synyp oqýshylary dálizde ýytty ballondy shashyp alǵan. Sonyń kesirinen 10 shaqty bala zardap shekti.
