Almatyda oqýshylar arasynda «sóz óneri» baıqaýy ótti

ALMATY. Naýryzdyń 18-i. QazAqparat / Ádilet Musahaev / - Búgin Almatynyń Almaly aýdany ákimdigi Naýryz merekesi men Uly Otan soǵysy jeńisiniń 65 jyldyǵyna oraı aýdan oqýshylary arasynda «sóz óneri» baıqaýyn ótkizdi,

dep habarlaıdy QazAqparat.

Sharany uıymdastyrýshy, máslıhat depýtaty Qusman Shalabaevtyń aıtýynsha, baıqaýdyń negizgi maqsaty - qazaq eliniń óskeleń urpaǵyna patrıottyq tárbıe berý, talanttaryn shyńdap, olardyń sóz ónerine degen qyzyǵýshylyǵyn arttyrý. «Bizdiń aýdandaǵy 29 mektepte osyndaı shara ótken bolatyn, mine búgin sol baıqaýlardyń nátıjesinde úzdik shyqan 33 oqýshy satıra, ázil-syqaq jáne qara sóz oqý janrlary boıynsha synǵa túsedi. Qazirgi ýaqytta kóptegen ónerli jastarymyz bar, sondyqtan osyndaı baıqaýlar arqyly olardyń shyǵarmashylyǵyn nyǵaıta túskimiz keledi», deıdi Q.Shalabaev.

Baıqaý qorytyndysy boıynsha «satıra, ázil-syqaq» janrynan 1-shi oryndy Dana Daıyrova alsa, júldeler Bahtııar Baıserikovke, Raýan Tóleýbekov pen Áıgerim Amangeldige buıyrdy.

Al qara óleń oqýdan birinshi oryndy Rýstem Álıev jeńip aldy. Ekinshi orynǵa Adına Esimova, úshinshi orynǵa Áset Daıyr men Aqmaral Qunafına laıyq dep tanyldy.