Almatyda Oqýshylar arasynda respýblıkalyq ǵylymı jarystar baıqaýy ótedi
ALMATY. 15 aqpan. QazAqparat - Almatyda «Alataý» sanatorııinde 21-24 aqpan aralyǵynda QR Bilim jáne ǵylym mınıstrligi men «Daryn» respýblıkalyq ǵylymı-praktıkalyq ortalyǵynyń uıymdastyrýymen
ǵylym men bilimdi kiriktirý, urpaqtar sabaqtastyǵyn nyǵaıtý, elimizdiń bolashaq ǵylymı áleýetin qalyptastyrý maqsatynda oqýshylardyń respýblıkalyq ǵylymı jarystary ótedi.
Bıyl bul bilim saıysyna elimizdiń túkpir-túkpirinen 500-ge jýyq oqýshy - jas zertteýshilerdiń ǵylymı jobalary qatysatyn bolady.
Oqýshylar «Qazaqstan-2030» strategııasynda Qazaqstan damýynyń ekonomıkalyq jáne áleýmettik modelderi» taqyrybynyń tórt baǵyty boıynsha: «Ǵylymı-tehnıkalyq progress - ekonomıkalyq ósýdiń negizgi býyny», «Ekonomıkalyq jáne áleýmettik protsesterdi matematıkalyq modeldeý», «Taza tabıǵı orta - «Qazaqstan-2030» strategııasyn iske asyrýdyń negizi», «Qazaqstannyń tarıhı eskertkishteri jáne bolashaq damýy bar saıahat jolbaǵyttary» synǵa túsedi. Oqýshylar jarysyna ǵylymı jetekshilikti Qazaqstan Respýblıkasynyń Ulttyq ǵylym akademııasy júzege asyratyn bolady.
Respýblıkalyq ǵylymı jarystardyń saltanatty ashylýy 21 aqpan kúni saǵat 10.30-de Ó.Joldasbekov atyndaǵy Stýdentter saraıynda ótedi.
