Almatyda oqýshy qyzdy zorlamaq bolǵan er adam 15 jylǵa sottaldy

ALMATY. QazAqparat – Almatyda dosynyń kámeletke tolmaǵan qyzyn zorlamaq bolǵan er adam 15 jylǵa sottaldy, dep habarlaıdy QazAqparat tilshisi.

Tergeý barysynda anyqtalǵandaı, M. Esimdi er adam týystarymen janjaldasyp, dosynyń úıine túneýge kelgen. Úıdegiler uıyqtap jatqan kezde, qonaq bólmede dosynyń 11 jastaǵy qyzyn kórip, ony zorlamaq bolǵan.

«Qyzdyń kómekke shaqyrǵan daýsyn ákesi men aǵasy estip, sumdyqtyń aldyn aldy. Olar polıtsııa shaqyryp, kúdiktini qylmys ornynda jedel ustaýǵa múmkindik berdi. Keıin ol qamaýǵa alynyp, ýaqytsha ustaý ızolıatoryna aýystyryldy. Barlyq mán-jaıdy anyqtaý maqsatynda sot-medıtsınalyq saraptama júrgizildi, onyń qorytyndysy jábirlenýshiniń, kýágerlerdiń jáne kúdikti M-nyń moıyndaýymen birge, QR QK-niń 24-baby 3-bóligi, QR QK-niń 120-baby 4-bóligi (Zorlaýǵa oqtalý) boıynsha qylmys jasady degen aıyp taǵyldy», - dep habarlady polıtsııadan.

Alataý aýdandyq PB tergeýshisi jınaǵan dáleldemeler sotta sheshim qabyldaý úshin jetkilikti dep tanyldy.

«Alataý aýdandyq sotynyń úkimimen aıyptalýshyǵa 15 jylǵa bas bostandyǵynan aıyrý jazasyn qatań rejımdegi túzeý kolonııasynda óteý taǵaıyndaldy», - dep atap ótti polıtsııadan.