Almatyda oqýshy qyz úıiniń aýlasynda asylyp qalǵan

ALMATY. QazAqparat - Almatyda 2006 jyly týǵan qyz óz-ózine qol jumsady, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, qaıǵyly oqıǵa 4 mamyrǵa qaraǵan túni Almatynyń Medeý aýdanynda bolǵan.

«2006 jyly týǵan mektep oqýshysy óz úıiniń aýlasynda asylyp qalǵan. Sot-medıtsınalyq saraptama taǵaıyndaldy. Bul fakt Qazaqstan Respýblıkasy Qylmystyq kodeksiniń 105 baby boıynsha tekserilip jatyr», - dedi Almaty qalalyq polıtsııa departamentiniń resmı ókili Saltanat Ázirbek.

Vedomstvo ókili oqıǵanyń sebebi men ózge de mán-jaı anyqtalyp jatqanyn atap ótti.

Buǵan deıin Petropavldaǵy qurylys-ekonomıkalyq kolledjiniń stýdenti ózine qol salǵanyn jazǵan bolatynbyz.