Almatyda oqý jyly bastalǵaly 49 oqýshy koronavırýs juqtyrǵan

ALMATY. QazAqparat - Jańa oqý jylynyń alǵashqy aptasynda 49 almatylyq oqýshydan koronavırýs anyqtaldy. Bul týraly megapolıs ákimi Baqytjan Saǵyntaev «Almaty» telearnasyndaǵy tikeleı efır barysynda málim etti, dep habarlaıdy QazAqparat tilshisi.

Ákimniń aıtýynsha, balalar koronavırýs ınfektsııasyn mektepte juqtyrmaǵan.

«Olar vırýsty mektepten juqtyrǵan joq. Epıdemıologııalyq tergeý nátıjesi boıynsha balalar úıde juqtyrǵan, týystary arasynda bireý aýyryp qalǵan. Balalar bul vırýstyń sımptomsyz tasymaldaýshylary bolyp sanalady. Mundaı jaǵdaı Almatynyń 39 mektebinde tirkeldi. Koronavırýs juqtyrǵan oqýshylar onlaın formatqa kóshti. Sonymen qatar, ambýlatorlyq jaǵdaıda em qabyldap jatyr «, - dedi Baqytjan Saǵyntaev.

Buǵan deıin, ákim megapolıste epıdemıologııalyq jaǵdaıdyń turaqtalǵanyn aıtqan edi.