Almatyda oqshaýlaný deńgeıi 4,4 ball boldy
ALMATY. QazAqparat – Almatyda «Sergek» málimetterine sáıkes qaladaǵy oqshaýlaný dárejesine baǵa berildi, dep habarlaıdy QazAqparat tilshisi ákimdiktiń baspasóz qyzmetine silteme jasap.
Taldaýǵa sáıkes 2020 jyldyń 11 naýryzynan bastap Almaty joldaryndaǵy kólik qozǵalysy 80 paıyzǵa tómendegen.
«Salystyrý úshin karantınge deıingi «Sergek» júıesinde tirkelgen jumys kúnindegi jol qozǵalysy men tótenshe jaǵdaıdan keıingi jol qozǵalysy málimetteri paıdalanyldy. 5 degen ball kórsetkishi qalada múlde jeke kólik qozǵalysy joq ekendigin bildiredi. Al karantınge deıingi qozǵalys kórsetkishi 0,5 ball bolatyn. Eger 0 ball bolsa, onda kóshede keptelis degendi bildiredi.
Karantın kezinde Almatyda maksımaldy kórsetkish 4,8 ball bolýy tıis. Óıtkeni, jolda arnaıy qyzmet ókilderi jedel járdem, polıtsııa, kommýnaldy qyzmet kólikteri júredi.
Keshendi is-sharalar men azamattardyń tártibiniń arqasynda oqshaýlaný kórsetkishin 4,4 balǵa jetkizildi», - dedi baspasóz qyzmetinen.
