Almatyda ókpesiniń 75 paıyzy zaqymdanǵan naýqasqa ota jasaldy
«Dárigerlerdiń basty mindeti - naýqasty aman alyp qalý. PTR testiniń oń nátıjesi rastalǵan, ókpesiniń 75%-dan astam bóligi zaqymdanǵan 40 jastaǵy A. esimdi naýqas Almaty qalalyq jedel shuǵyl kómek kórsetý aýrýhanasyna túskende, jalpy álsizdikpen qatar ishiniń tómengi jaǵynyń aýyratyndyǵyna shaǵymdandy. Qosymsha tekserýden keıin patsıent shuǵyl túrde – oń jaq analyq bezdegi jylaýyqtyń qabyrshaqtanýyna laparoskopııalyq tsıstektomııa ota jasaýǵa jiberildi. 40 mınýtqa sozylǵan shuǵyl ota sátti aıaqtady», - dep habarlady basqarmadan.
Qoǵamdyq densaýlyq saqtaý basqarmasynyń málimetinshe, koronavırýs ınfektsııasy rastalǵan naýqastarǵa hırýrgııalyq ota qajet bolǵanda, ol arnaıy profıldi juqpaly aýrýlar aýrýhanasyna jatqyzylady.
Operatsııa kezinde qosymsha epıdemıologııalyq erejelerdiń barlyǵy qatań saqtalady. Hırýrgtyń qasynda onyń qımyl-áreketin sózsiz túsinetin senimdi kómekshisi, otalyq medbıke jáne anestezıolog bolady.