Almatyda ókpesiniń 64 paıyzy qabynǵan 87 jastaǵy ájeı jazylyp shyqty
Bul týraly onlaın-brıfıng kezinde Psıhıkalyq saýyqtyrý ortalyǵynyń dırektory Sapar Rahmensheev málimdedi.
Onyń aıtýynsha, Psıhıkalyq saýyqtyrý ortalyǵynyń M. Maqataev kóshesindegi fılıaly pandemııaǵa baılanysty provızorlyq ortalyqqa aınalyp jumys jasaýda. Osydan eki-úsh apta buryn munda kúnine 20-25 naýqas túsken bolsa, qazir orta eseppen 8-10 adamǵa azaıdy.
«Psıhıkalyq saýyqtyrý ortalyǵynyń M. Maqataev kóshesindegi fılıaly 5 naýryzdan bastap provızorlyq ortalyqqa aınalyp, qyzmet jasap keledi. Shetelden ushyp kelgen 1800 azamattyń barlyǵy osy ortalyqta boldy. Onyń 152-nen ınfektsııa anyqtalyp, olardy juqpaly aýrýlar aýrýhanasyna aýystyrdyq. Birinshi shildeden bastap bizdiń ortalyqta 350 provızorlyq tósek jasaldy. ıAǵnı M. Maqataev kóshesindegi ortalyqta 180 tósek bolsa, Á. Kekilbaev kóshesinde - 170», – dedi spıker.
Provızorlyq ortalyqta 296 medıtsına qyzmetkeri jumys jasaıdy.
«Ókpesi qabynǵan naýqastarǵa sapaly medıtsınalyq kómek kórsetiledi. Syrqattarǵa qabynýǵa, bakterııaǵa qarsy, sondaı-aq antıkoogýlıantti terapııa jáne oksıgenoterapııa qoldanylady. Bul emniń bári Densaýlyq saqtaý mınıstrliginiń bekitken hattamasy boıynsha júrgizilýde. Bizdiń ortalyqta 10 reanımatsııalyq tósek jáne 6 IVL apparaty bar. Jyl sońyna deıin taǵy 4 IVL apparatyn alamyz dep josparlap otyrmyz», – dedi ortalyq basshysy.
Osy aıdyń basynan atalǵan provızorlyq ortalyqtan 499 adam em alyp, jazylyp shyqqan. Onyń ishinde 87 jastaǵy ájeı de bar.
«1933 jyly týǵan apamyz bizdiń aýrýhanaǵa túsip, 18 kún jatyp, em qabyldady. Bes kún reanımatsııada jatty. KT rentgeni arqyly ókpesiniń 64 paıyzy qabynǵany anyqtaldy. Ol kisi tıisti emniń arqasynda on segiz kúnniń ishinde saýyǵyp shyqty», – deıdi Sapar Rahmensheev.
Aıta ketsek, provızorlyq ortalyq ashylǵaly beri jasy 55-ten joǵary 207 naýqas emdelgen. Onyń 152-si jazylyp shyqsa, qalǵandary em qabyldap jatyr. Búginde Maqataev kóshesindegi provızorlyq ortalyqta 103 adam, al Á.Kekilbaev kóshesindegi ortalyqta 125 naýqas em alýda. ıAǵnı burynǵydaı emes naýqastar sany azaıǵan ári bos oryndar da bar.
Dırektordyń aıtýynsha, pandemııaǵa qaramastan ortalyq óziniń tikeleı mindetterin toqtatqan joq. ıAǵnı dıspanserlik baqylaýda turǵan psıhıkalyq ıa bolmasa narkologııalyq aýytqýlary bar aýrýlardy ortalyqqa jatqyzyp, emdeý júrgizilýde. Psıhologııalyq kómek kórsetý de toqtatylǵan joq.