Almatyda «Ókinish» kórkem fılminiń premerasy ótedi
ASTANA. 6 sáýir. QazAqparat - 9 sáýirde Almatydaǵy "Arman 3D" kınoteatrynda rejısser Maqsat Ospanovtyń «Ókinish» atty kórkem fılminiń premerasy bolady. Bul týraly premerany uıymdastyrýshylar habarlady.
Jastarǵa arnalǵan dramalyq fılmdi belgili ánshi, estrada juldyzdarynyń biri Qaırat Nurtastyń «Qaırat Nurtas Production» kompanııasy túsirgen.
Sharaǵa rejısser Maqsat Ospanov, akterler Asanáli Áshimov, Tuńǵyshbaı Jamanqulov, Qaırat Nurtas, Sıvı Mahmýdı, Jánııa Djýrınskaıa, Renat Basıtov, Gúlzıra Aıdarbekova,, sondaı-aq túsirýshiler toby men shoý-bıznes ókilderi qatyspaq.
Fılmniń premeralyq kórsetilimimen qatar, buqaralyq aqparat quraldary ókilderine arnalǵan baspasóz máslıhaty uıymdastyrylmaq.
