Almatyda ógeı ata-ana asyrandy balasyn bıologııalyq anasynan qaıtaryp aldy
ASTANA. QazAqparat - Almaty qalalyq sotynyń apellıatsııalyq sot alqasy Gúljan Qılybaeva men Baqyt Meńlibaevtardyń asyrandy balasyn qamqorshylardyń úıinde qaldyrý týraly sheshim shyǵardy, dep habarlaıdy QazAqparat.
Sot alqasy Gúljan Qılybaevanyń aryzyn qanaǵattandyrdy.
Іs ózge quramda qarastyrý úshin Almaty qalasy kámelettik jasqa tolmaǵandar isi boıynsha mamandandyrylǵan aýdanaralyq sotqa jiberildi.
Sot tyńdaýy jabyq jaǵdaıda ótti.
Aıta keteıik, Jeńistiń bıologııalyq anasy Almaty qalasy kámelettik jasqa tolmaǵandar isi boıynsha mamandandyrylǵan aýdanaralyq sotqa shaǵym aıtyp, Almaty qalasy Medeý aýdandyq ákimdigi men qamqorshylyq organdarynyń sheshimin, Medeý aýdandyq ákiminiń tapsyrmasyn zańsyz dep taýyp, týǵan balasyn ógeı ata-anasynan aıyrýdy talap etken bolatyn.
Budan buryn habarlaǵanymyzdaı, Gúljan Qılybaeva asyrandy balasy úshin bir jyldan astam ýaqyt boıy sottasýda. Balanyń bıologııalyq anasy Jeńisti perzenthanada tastap ketken. Biraq ýaqyt óte kele raıynan bas tartyp, balany qaıtarýǵa árekettengen.
