Almatyda Nursultan Nazarbaevtyń Braıl shrıftimen basylǵan kitaby tanystyryldy
ALMATY. QazAqparat - Almatyda Nursultan Nazarbaevtyń «Qazaqstandyq jol» atty Braıl shrıftimen basylǵan kitabynyń tanystyrylymy ótti, dep habarlaıdy QazAqparat.
«Memleket basshysyn qoldaý masatynda Elbasynyń kitaptaryn basyp jatyrmyz. Búgin biz qalyń kópshilikke tanystyrý úshin Nursultan Nazarbaevtyń «Qazaqstandyq jol» atty kitabyn alyp kelip otyrmyz»,-dedi áleýmettik qorǵaý salasyndaǵy oblystyq úılestirý keńesiniń otyrysynda «Zaǵıp jáne nashar kóretin azamattarǵa arnalǵan respýblıkalyq kitaphana» RMK-y dırektorynyń orynbasary Maqsut Jumabekov.
Kitaptyń túpnusqasy 356 betten turady. Alaıda, ony Braıl shrıftimen basqan kezde kitaptyń paraqtarynyń sany kóbeıip, 1080 betti qurady. Sonymen qatar kitap tsıfrly formatta jetkizildi. Ol jalpaǵynan basylǵan túpnusqadan aýmaıdy. Osyǵan qaraı bul kitap 356 betten turady. Aýdıokitaptyń uzaqtyǵy 20 saǵattan asady. Kitap barlyq álemdik standarttarǵa saı. Braıl shrıfti zaǵıp jandar men nashar kóretin azamattarǵa arnalǵan.
