Almatyda «Nursultan Nazarbaev - QR Tuńǵysh Prezıdenti» atty kitap kórmesi ashyldy

Onyń maqsaty - el Kóshbasshysynyń egemen Qazaqstandy qalyptastyrýdaǵy jáne damytýdaǵy tarıhı rólin kórsetý.

Kórme jeti bólimnen turady. Birinshi «Meniń Qazaqstanym» bólimi memleketimizdiń tarıhy, óziniń táýelsizdigin alýy týraly baıandaıdy. Ekinshi «N.Nazarbaevtyń eńbekteri» bóliminde Memleket basshysynyń kitaptary, baıandamalary, óleńderi, suhbattary, joldaýlary, quttyqtaýlary qoıylǵan. Úshinshi «Ómiri jáne qyzmeti» bóliminde N.Nazarbaevtyń ómirbaıany boıynsha oqyǵan jyldary, eńbek jolyn jáne saıası mansabyn bastaýy, saılaýlar jáne ulyqtaý sharalary, marapattary men ataqtary týraly ádebıetter qoıylǵan.

Kelesi bólim - «Memleket jáne Prezıdent» - Qazaqstannyń memlekettik qurylymy, onyń zańnamalyq-quqyqtyq saıasaty jáne QR Konstıtýtsııasy qoıylǵan. «Іshki saıasat» bóliminde eldiń ekonomıkalyq jáne áleýmettik saıası ómiri, azamattyq qoǵamdy damytý týraly ádebıetter bar. «Syrtqy saıasat» atty altynshy bólimge Qazaqstannyń basqa eldermen yntymaqtastyǵy, ShYU, AÓІSShK, EO sııaqty halyqaralyq uıymdarǵa qatysýy jáne EQYU-ǵa tóraǵalyǵy týraly materıaldar toptastyrylǵan.

Sońǵy bólimde N.Nazarbaevtyń QR Ulttyq kitaphanasynda bolýy jáne onyń basylymdary týraly materıaldar usynylady.

Kórme aıasynda Ulttyq kitaphanada 1993 jyldan beri júrgizilip kele jatqan eldiń Tuńǵysh Prezıdenti týraly málimettter bazasy negizinde jasalǵan osy attas elektrondyq kitaphananyń tanystyrylymy boldy. Onda Memleket basshysynyń ómiri men qyzmeti týraly ǵumyrnamalyq 16 myńnan astam málimetter bar, onyń 7011-i qazaq tilinde, 8304-i orys tilinde, 1305-i - shetel tilderinde.