Almatyda «Nursultan 2011» Alpınıadasy ótedi
ALMATY. 30 maýsym. QazAqparat /Erbol Azanbek/ - 3 shilde kúni Almatyda «Nursultan 2011» Alpınıadasy men «Vertıkalnyı kılometr» atty bıiktikke júgirýden jarys ótedi,
dep habarlaıdy qala ákiminiń baspasóz qyzmeti.
Uıymdastyrýshylar: Almaty qalasynyń ákimdigi, QR Ulttyq Olımpıada komıteti, «MT Sport presentation» JShS jáne Almaty qalasynyń Alpınızm men shyńǵa shyǵý federatsııasy. Sporttyq sharalar Táýelsizdiktiń 20 jyldyǵyna arnalady.
«Nursultan» shyńyna quramynda sport toptary bar Almaty qalasynyń alpınısteri bir mezgilde tórt baǵyt 2A, 2B, 3B, 4A sanattary boıynsha kóteriletin bolady. Al,«Vertıkalnyı kılometr» dep atalatyn shyńǵa órmeleý jarysyna qala turǵyndary qatysa alady. 5 synyp boıynsha ótetin saıysqa 15 jastan asqan kez-kelgen turǵyn qatysýyna bolady.
Jarys qorytyndysy boıynsha joldy jyldam ótkender júldeger dep tanylady. Sonymen qatar jarysta eń jas jáne eń eresek atalymdary boıynsha da jeńimpazdar anyqtalady. Jarysqa qatysýshylardyń barlyǵyna sertıfıkattar men tósbelgiler, al jeńimpazdarǵa gramotalar, medaldar, demeýshilerdiń arnaıy syılyqtary beriledi.
Jarysqa qatysýshylardy tirkeý men jiberý 3 shildede saǵat 7.30 dan 9.00 aralyǵynda ótedi. Tolyq aqparattardy www.mtsport.kz saıtynan alýǵa bolady.
