Almatyda «Nurly jer» boıynsha baspanaǵa ótinim qabyldaý bastaldy
Bul týraly habarlama «Vechernıı Almaty» gazetinde shyqty.
Elektrondy úkimet arqyly ótinim berý úshin HQKO elektrondy qoltańba alý kerek.
«Qazaqstan ıpotekalyq kompanııasy «Jas Qanat» shaǵyn aýdanynda 954 páter satpaqshy. Onyń ishinde bir bólmeli 454 páter, eki bólmeli 232 páter, úsh bólmeli 266 páter satylmaq. 20 jylǵa jalǵa berilip keıin tolyq satyp alý quqyǵymen menshikke ótetin baspananyń 1 sharshy metrin jaldaý quny 786 teńge bolmaq. Bul baspanaǵa Jergilikti atqarý organynda kezekte turǵan muqtaj tulǵalar, atap aıtqanda kóp balaly, tolyq emes, múgelek bala baǵyp otyrǵan otbasylar, jetim balalar, ata-anasynyń qamqorlyǵynsyz qalǵan balalar, oralmandar, memlekettik qyzmetshiler, áskerı qyzmetshiler, arnaı memlekettik organ qyzmetkerleri, bıýdjettik uıym qyzmetkerleri men I jáne II toptaǵy múgedekter alady», - delingen habarlamada.
Baǵdarlama qatysýshylarynan eń bastysy baǵdarlama shartynda kórsetilgen pýnktter boıynsha tólem jasaı alatynyn rastaý, otbasy músheleriniń basynda basqa baǵdarlamalar boıynsha baspana bolmaýy talap etiledi. Sonymen qatar otbasy músheleri baspana jaǵdaıyn qasaqana ýshyqtyrǵany týraly derek bolmaǵany shart.
Ótinishter 16 qańtarǵa deıin egov portaly arqyly qabyldanady.
